माजी मंत्री गिरीश महाजनांसह आपल्याला संपवण्याचा डाव : विरोधी पक्षनेते देवेंद्र फडणवीस

Devendra Fadnavis मुंबई : माजी जलसंपदा मंत्री गिरीश महाजन (Bjp leader Girish Mahajan) यांच्यासह मला (Devendra Fadnavis) संपवण्याचा डाव रचण्यात आला असून विरोधकांवर खोट्या तक्रारी नोंदवून त्यांना अडकवण्याचा कटही या सरकारने रचला आहे आणि याचे सर्व पुरावे आपल्याकडे आहेत, असा गंभीर आरोप विधानसभेतील विरोधी पक्षनेते देवेंद्र फडणवीस (Devendra Fadnavis) यांनी विधानसभेत बोलताना केल्याने राज्यात मोठी खळबळ उडाली आहे. यावेळी त्यांनी अध्यक्षांकडे एक पेन ड्राइव्ह सोपवला असून या पेनड्राइव्हमध्ये विविध संभाषणे आणि पुरावे दडले असल्याचा मोठा दावाही फडणवीस यांनी केला. ते विधानसभेत कायदा आणि सुव्यवस्थेवर बोलत होते.

• मंत्री आदित्य ठाकरेंच्या निकटवर्तीयांकडे आयकर विभागाची छापेमारी

पोलिस दलाचा होतोय गैरवापर : फडणवीस (Devendra Fadnavis)
महाविकास आघाडी सरकार हे पोलिस दलाचा गैरवापर करत असून हे प्रकरण अतिशय गंभीर असून या प्रकरणाचा तपास सीबीआयकडे सोपवण्यात यावा, अशी मागणीही त्यांनी केली. या प्रकरणाचा तपास सीबीआयकडे सोपवण्यात आला नाही, तर आम्ही न्यायालायात जाणार, असेही फडणवीस यांनी जाहीर केले आहे. आम्हाला अडकवण्यासाठी खोटी प्रकरणे तयार करण्यात आली असून खोटे पंच आणि खोटे साक्षीदार उभे करण्यात आले असल्याचे गंभीर आरोपही फडणवीस यांनी केला आहे. माझ्यासह, चंद्रकांत पाटील, रावल आणि गिरीश महाजन यांना फसवण्याचा डावच आखण्यात आल्याचे फडणवीस (Devendra Fadnavis) म्हणाले.