जळगाव : मल्हार हॉबी डुबी डू या आगळ्या वेगळ्या मंचातर्फे उन्हाळ्याच्या सुट्यांमध्ये मुलांना त्यांचे छंद विकसित करता यावे, नवं काही शिकता याव यासाठी रतनलाल सी बाफना ज्वेलर्सच्या सहकार्याने समर हॉबी फेस्ट चे मोफत आयोजन 28 मे ते 3 जून दरम्यान करण्यात आले आहे.
80 कलाकारांचा मंचावर सहभाग
हॉबी डुबी डू या मंचाद्वारे कलाक्षेत्रात कार्य करणार्या तज्ञांची माहिती आपण जनतेपर्यंत दर शनिवारी सायंकाळी 6 वा. ऑनलाईन पोहचवीत असतो व आजपर्यंत 80 पेक्षा जास्त कलाकारांनी या मंचाला सुशोभित केले आहे.
सात दिवसीय शिबिरात तज्ज्ञ करणार मार्गदर्शन
या फेस्ट मध्ये ऍबस्ट्रॅक्ट पेंटिंग, ओरिगामी आर्ट, बॉलिवूड स्टाईल डान्स, संगीत व सायबर नॉलेज इ. विविध विषयांवर ऑनलाईन शिबीर घेण्यात येणार आहे. शिबीर हे 7 दिवसांचे असेल व यात शहरातील मान्यवर तज्ञ मंडळी मार्गदर्शन करणार आहेत. फेस्टमध्ये सहभागी सर्व विद्यार्थ्यांना सर्टिफिकेट देण्यात येतील.
नाव नोंदणीसाठी संपर्काचे आवाहन
हॉबी फेस्टमध्ये नाव नोंदणीसाठी 8319890643, 9834860862 या मोबाईल क्रमांकावर अथवा मल्हार हॉबी डुबी डू या फेसबुक ग्रुपवर असलेल्या या रजिस्ट्रेशन क्रमांकावर संपर्क साधण्याचे आयोजक कळवतात.
