जळगाव गुन्हे शाखेने रोखली गुटखा तस्करी : पावणेतीन लाखांच्या गुटख्यासह आरोपी जाळ्यात

Jalgaon Crime Branch busted Gutkha smuggling : Accused caught with Gutkha worth three lakhs जळगाव : जिल्ह्यात मोठ्या प्रमाणावर गुटख्याची तस्करी सुरू असतानाच जळगाव गुन्हे शाखेने गोपनीय माहितीवरून कारमधून वाहतूक होणार पावणेतीन लाखांचा गुटखा जप्त करीत एका विरोधात गुन्हा दाखल केला आहे. बुधवार,, 4 जानेवारी रोजी सायंकाळी सव्वा चार वाजेच्या सुमारास ही कारवाई करण्यात आली. या प्रकरणी नशिराबाद पोलिसात गुन्हा दाखल करण्यात आला.

गोपनीय माहितीवरून कारवाई
जळगाव शहरातील तांबापुरा येथील शेख इम्रान शेख जहुरोद्दीन हा चारचाकी (एम.एच. 19 ए.एक्स 3510) मधून जळगाव ते भुसावळ महामार्गाने मोठ्या प्रमाणावर गुटख्याची वाहतूक करीत असल्याची गोपनीय माहिती स्थानिक गुन्हे शाखेचे पोलीस निरिक्षक किसन नजनपाटील यांना मिळाल्यानंतर त्यांनी कारवाईचे आदेश दिले. पोलीस उपनिरीक्षक गणेश चौभे, सहाय्यक फौजदार युनूस शेख इब्राहीम, रणजीत जाधव, श्रीकृष्ण देशमुख, विनोद पाटील, प्रमोद ठाकूर यांच्या पथकाने बुधवारी सायंकाळी सव्वा चार वाजेच्या सुमारास जळगाव भुसावळ महामार्गावर टोलनाक्याजवळ सापळा रचला.