साकेगावातील बनावट नोटा प्रकरण : लाखोलीतील आरोपीकडून पुन्हा 20 हजारांच्या बनावट नोटा जप्त

Counterfeit notes case in Sakegaon: Fake notes of 20 thousand again seized from the accused in Lakholi भुसावळ : तालुक्यातील साकेगाव येथे महिलेच्या घरातून 22 हजारांच्या बनावट नोटा तालुका पोलिसांनी जप्त केल्यानंतर लाखोली, ता.जामनेर येथील आरोपीच्या घरातून पुन्हा 20 हजारांच्या नोटा जप्त करण्यात आल्याने खळबळ उडाली आहे. शनिवारी पोलिसांनी जळगाव येथील एका संगणक दुरूस्ती करणार्‍या दुकानातून बनावट नोटा तयार करणारे प्रिंटर, स्कॅनर जप्त केले आहे.

आरोपींची पोलिस कोठडीत रवानगी
साकेगाव येथे गुरूवार, 19 रोजी तब्बल 22 हजारांच्या बनावट नोटा पोलिसांनी जप्त केल्या होत्या तर शहनाज अमीन भोईटे (35, पाण्याच्या टाकीजवळ, साकेगाव) व हनीफ अहमद शरीफ देशमुख (लाखोली, नाचणखेडा, ता.जामनेर) यांना अटक करण्यात आली होती. महिलेसह दोन्ही संशयीतांना शुक्रवारी न्यायालयाने 24 जानेवारीपर्यंत पाच दिवसांची पोलीस कोठडी सुनावली आहे. आरोपींच्या चौकशीदरम्यान त्यांनी बनावट नोटा तयार करण्यासाठी वापरण्यात येणारे प्रिंटर, स्कॅनर हे खराब झाल्याने ते दुरूस्तीसाठी जळगाव येथे टाकल्याने ते गोलाणी मार्केटमधील एका दुकानातून पंचनामा करून जप्त करण्यात आले आहे.