यावल तालुक्यातील अल्पवयीन मुलीचे अपहरण : मुख्य संशयीताला अटक

Kidnapping of minor girl in Yaval taluka : Main suspect arrested यावल : यावल तालुक्यातील एका गावातील 17 वर्षीय अल्पवयीन मुलीच्या अपहरण प्रकरणी पोलिसांनी मुख्य संशयीतास अटक केली. अल्पवयीन मुलीसदेखील ताब्यात घेण्यात आले आहे. अटकेतील 27 वर्षीय तरुणास भुसावळातील अतिरिक्त जिल्हा व सत्र न्यायालयाच्या विशेष बाल न्यायालयात हजर केले असता त्यास 8 फेब्रुवारीपर्यंत दोन दिवसाची पोलिस कोठडी सुनावण्यात आली. विशेष स्वत:चे लग्न पंधरा दिवसावर असतांना या रुणाने अल्पवयीन मुलीचे अपहरण केल्याचा प्रकार समोर आला होता.

दुचाकीवरून अल्पवयीन तरुणीला पळवले
यावल तालुक्यातील एका गावातून दिनांक 21 जानेवारी रोजी 17 वर्षीय अल्पवयीन मुलीचे अपहरण केल्याने अज्ञाताविरूध्द गुन्हा दाखल करण्यात आला. या गुन्ह्याचा तपास करतांना पोलिसांनी प्रारंभी धम्मदीप सुधाकर जंजाळे (21) या तरुणाला ताब्यात घेतले. त्याच्याकडे चौकशी केली असता त्याने सांगितले की, प्रवीण प्रकाश सोळुंके याने अल्पवयीन मुलीचे त्यांच्या दुचाकी (क्रमांक एम.एच.19 ई.सी.6658) द्वारे अपहरण केले होते. पोलिसांनी प्रवीण सोळुंके याचा शोध लावल्यानंतर त्याच्यासह पीडीत अल्पवयीन मुलीला ताब्यात घेतले व पीडीत अल्पवयीन मुलीस बाल समिती कडे सोपवण्यात आले.