धुळे स्थानिक गुन्हे शाखेची कामगिरी : पिस्टलाच्या धाकावर दहशत निर्माण करणार्या गुन्हेगारांना बेड्या
गोपनीय माहितीवरून कामगिरी : एक जिवंत काडतूस व कट्टा जप्त
Dhule Local Crime Branch’s performance : Criminals who created terror at the threat of a pistol were arrested धुळे (17 मार्च 2025) : धुळे गुन्हे शाखेने गावठी पिस्टल बाळगून दहशत निर्माण करणार्या रेकॉर्डवरील दोघांच्या नगावबारी परिसरातून मुसक्या बांधल्या. ही कारवाई रविवार, 16 रोजी दुपारी करण्यात आली. प्रणव किशोर शिंदे (20, विंचूर, ता.धुळे) व विनय देवानंद नेरकर (23, फॉरेस्ट कॉलनी, नगावबारी, देवपूर, धुळे) यांच्या पथकाने केली.
गोपनीय माहितीवरील कारवाई
धुळे गुन्हे शाखेचे वरिष्ठ निरीक्षक श्रीराम पवार यांना दोन संशयीत पिस्टलाच्या धाकावर नगावबारी परिसरात दहशत निर्माण करीत असल्याची माहिती मिळाली. त्यांनी पथकाला निर्देश दिल्यानंतर नगावबारी परिसरातून दोघांना ताब्यात घेण्यात आले. संशयीत प्रणवच्या ताब्यातून 40 हजार रुपये किंमतीचे पिस्टल तर एक हजार रुपये किंमतीचे काडतूस विनय नेरकरच्या खिशातून जप्त करण्यात आले. प्रणवविरोधात पिंप्री चिंचवड येथे विनय विरोधात पश्चिम देवपूर व देवपूर पोलिसात एक गुन्हा दाखल असल्याचे समोर आले आहे.
