Teacher in Parola dies after being hit by car पारोळा (15 ऑक्टोबर 2025) : भरधाव कारने धडक दिल्याने पारोळ्यातील शिक्षकेतचा जागीच मृत्यू झाला. अपघाताची घटना 14 रोजी सायंकाळी घडली. भावना प्रशांत मुळे (53, श्रीनाथजीनगर, पारोळा) असे मृत शिक्षिकेचे नाव आहे.
काय घडले शिक्षिकेसोबत
भावना या पारोळा तालुक्यातील म्हसवे येथील जि.प. शाळेत शिक्षक होत्या. सायंकाळी पाच वाजता शाळेचे कामकाज संपवून घरी परत येत असताना जुन्या महामार्गापासून काही अंतरावर त्या दुचाकीवरून (एम.एच.19 बी.टी.0572) येत असतना रस्त्याचे काम सुरू होते.
अचानक समोरून भरधाव वेगाने येणार्या कारने (जी.जे.26 ए.के.1750) ने त्यांच्या दुचाकीला जोरदार धडक दिली. ही कार समाधान दिगंबर पाटील (अंतुर्ली, ता. पाचोरा) हा चालवत होता. या अपघातात त्यांचा जागीच मृत्यू झाला.
भावना मुळे या आधी भोकरबारी (पारोळा) येथे कार्यरत होत्या. मात्र, गेल्या महिन्यात त्यांची म्हसवे येथील जि.प. शाळेत बदली झाली होती. त्यांचे पती प्रशांत मुळे हेदेखील शिक्षक होते.
मात्र पाच वर्षांपूर्वी प्रशांत यांचे निधन झाले होते. त्यानंतर आजी-आजोबांचादेखील मृत्यू झाला. त्यांचाा एक डॉक्टर मुलगा आहे. तो सध्या पारोळा तालुक्यातील बहादरपूर येथील प्राथमिक आरोग्य केंद्रात डॉक्टर म्हणून कार्यरत असल्याचे सांगण्यात आले.
