श्रीरामपूर अपर पोलिस अधीक्षकांच्या पथकाची कारवाई : कुंटणखान्यातील तीन महिलांची सुटका ; हॉटेल मालकासह मॅनेजरला बेड्या
Action taken by the team of Shrirampur Additional Superintendent of Police: Three women rescued from Kuntan; Hotel owner and manager arrested श्रीरामपूर (1 नोव्हेंबर 2025) : नेवासे येथील खडका फाट्यावरील साई लॉजमध्ये अवैधरित्या देहव्यापार चालवला जात असल्याची माहिती
श्रीरामपूरचे अपर पोलिस अधीक्षक सोमनाथ वाघचौरे यांना कळाल्यानंतर त्यांनी तत्काळ पथकाला कारवाईचे निर्देश दिले. पथकाने यावेळी छापेमारी करीत तीन महिलांची सुटका करीत लॉज मालक आणि व्यवस्थापकाला बेड्या ठोकल्या. या कारवाईने अवैधरित्या वेश्या व्यवसाय चालवणार्‍यांच्या गोटात प्रचंड खळबळ उडाली.
गोपनीय माहितीवरून कारवाई
नेवासे येथील खडका फाट्यावरील साई लॉज येथे पीडित महिलांना पैशाचे आमिष दाखवून त्यांना देह व्यापारास प्रवृत्त करत लॉजिंगवर जागा उपलब्ध करून दिली जात असल्याची श्रीरामपूरचे अपर पोलिस अधीक्षक सोमनाथ वाघचौरे यांना मिळाली होती. वाघचौरे यांनी आपल्या पथकातील पोलिस हेड कॉन्स्टेबल दादासाहेब लोंढे, पोलिस नाईक संदीप दरंदले, पोलिस कॉन्स्टेबल राजेंद्र बिरदवडे, पोलिस कॉन्स्टेबल सहदेव चव्हाण यांना कारवाई करण्याचे आदेश दिले.
खात्री पटताच छापेमारी
बुधवारी पोलिस नेवासे पोलिस ठाण्यातील पोलिस निरीक्षक महेश पाटील, पोलिस उपनिरीक्षक श्रद्धा वैद्य, कॉन्स्टेबल वर्षा कांबळे यांना सोबत घेत माहिती मिळालेल्या ठिकाणी वेश्या व्यवसाय सुरू असल्याची खात्री पटताच छापा टाकला. कारवाईदरम्यान तीन महिला आढळून आल्या त्यांच्याकडे पथकाने चौकशी केली असता त्यांनी आमच्याकडून वेश्याव्यवसाय करून घेतला जात असल्याची व त्या पैशावर उपजीविका चालत असल्याची माहिती दिली.
कारवाईत पोलिस पथकाने बाळासाहेब भानुदास जाधव (25, रा.मुक्तापूर, ता.नेवासा, जि.अहिल्यानगर व विकास योगेश उर्फ यहुबा औताडे (25, रा.मुक्तापूर, ता.नेवासे, जि.अहिल्यानगर) यांना अटक केली आहे. हे दोघेही पीडित तीन महिलांच्या माध्यमातून कुंटणखाना चालवत असल्याचे कारवाई स्पष्ट झाले. त्यांच्या विरोधात पोलीस नाईक संदीप दरंदले यांनी दिलेल्या फिर्यादीवरून गुन्हा दाखल करण्यात आला आहे. पुढील तपास पोलिस निरीक्षक महेश पाटील करीत आहे.
