‘त्या’ 70 हजार कोटींमधले शंभर कोटी तरी द्या ! ; घोटाळ्यांच्या आरोपांवर अजित पवारांची मिश्किल टीपणी
Give at least 100 crores out of ‘that’ 70 thousand crores ! ; Ajit Pawar’s harsh comment on scam allegations सातारा (10 नोव्हेंबर 2025) : पुण्यातील जमीन घोटाळा प्रकरणात पार्थ अजित पवार यांच्यावर सातत्याने आरोप होत असल्याने उपमुख्यमंत्री अजित पवारही अडचणीत आल्याचे बोलले जात आहे. यापूर्वी सिंचन घोटाळ्यात 70 हजार कोटींचा घोटाळा झाल्याचा आरोप झाल्यानंतर यावर अजित पवारांनी निशाणा साधत मिश्कील टीपणीही केली आहे. सातारा जिल्ह्यातील रहिमतपूर येथे नुकताच भव्य पक्षप्रवेश सोहळा झाला. यावेळी अजित पवारांनी 70 हजार कोटींच्या आरोपांवर टीपणी करीत कुणीतरी मला ते पैसे दाखवा शंभर कोटी मला द्या व बाकीचे तुम्ही घेवून जा म्हटल्याने सर्वत्र हशा पिकला.
काय म्हणाले अजित पवार ?
आता घडायला नको होती अशी घटना घडली. मला त्याच्याबद्दल माहिती नव्हतं, मी म्हटलं माहिती घेऊन सांगतो. काहीजण म्हणाले एवढी मोठी माहिती अजित पवार यांना कशी नाही. अरे बाबा दादा सकाळी सहा वाजता कामाला लागतो, रात्री दहा-अकरा वाजता घरी जातो. त्याच्यामुळे मला माहिती नव्हती. नंतर मी माहिती घेतली पण त्यात काहीच व्यवहार झाला नाही.
एक रुपया कुणाला दिला नाही आणि घेतला ही नाही. आता त्यावर तपास करण्यासाठी कमिटी तयार करण्यात आली आहे. त्यावर मुख्यमंत्र्यांनी लक्ष घातलं आहे, तिघांवरती गुन्हा दाखल झाला आहे, असं अजित पवार यांनी म्हटलं.
मी काम करताना एका पण माणसाने यावं आणि सांगावं की अजित पवार काम करताना आमच्याकडे चहाचा मिंदा आहे. मी कोणाचाही पाच पैशाचा मिंदा नाही, असेदेखील पवार म्हणाले.
