जळगावातील तरुणाचा खून अनैतिक संबंधातून : दोघांना अटक

A young man was murdered in Jalgaon due to an illicit affair : two arrested जळगाव (15 डिसेंबर 2025) : जळगावच्या निमखेडी शिवारात सागर साहेबराव सोनवणे (30) या तरुणाचा निर्घृणपणे खून करण्यात आला होता. या खूनामागे महिलेसोबत असलेले अनैतिक संबंध समोर आले असून या प्रकरणी दोघांविरोधात गुन्हा दाखल होताच त्यांना अटक करण्यात आली. खुनाची घटना रविवार, 15 डिसेंबर रोजी रात्री 10 वाजेच्या सुमारास घडली.

अनैतिक संबंधाच्या वादातून खून
मयत सागर सोनवणे हा आई-वडील आणि भावासह याच परिसरात वास्तव्याला होता. गेल्या जवळपास चार वर्षांपासून सागरचे परिसरातील एका महिलेसोबत अनैतिक संबंध होते. यामुळे कुटुंबात आणि परिसरात अनेकदा वाद झाले होते. सागरच्या नातेवाईकांनी त्याला वारंवार समजावण्याचा प्रयत्न केला मात्र या महिलेच्या कारणावरून सागर सोनवणे आणि निमखेडी येथील रहिवासी अनिल उर्फ शेट्टी सखाराम नन्नवरे यांच्यात वारंवार वाद होत होता. हा वाद इतका विकोपाला गेला की, रविवारी सायंकाळी सहा वाजता अनिल उर्फ शेट्टी नन्नवरे आणि संदीप छगन बाविस्कर (दोघे रा.निमखेडी) यांच्यात सागरसोबत पुन्हा एकदा जोरदार बाचाबाची झाली व धमकीही देण्यात आली.