अनुसूचित जाती आरक्षणाच्या उपवर्गीकरणाला विरोध ; यावलमध्ये तहसीलदारांना निवेदन

उपवर्गीकरणाबाबत अंतिम निर्णय घेण्यापूर्वी अनुसूचित जातींच्या प्रतिनिधींची जिल्हा व विभागनिहाय मते जाणून घ्यावीत आणि निर्णयाचे संभाव्य परिणाम जनतेसमोर मांडावेत, असे निवेदनात नमूद आहे. तसेच अनुसूचित जातींसाठी राखीव असलेली रिक्त पदे विशेष भरती मोहिमेद्वारे तातडीने भरावीत, मागासलेल्या घटकांसाठी शिक्षण, वसतिगृहे, रोजगार, कौशल्यविकास, महिला सक्षमीकरण व आर्थिक विकासासाठी स्वतंत्र आणि कालबद्ध योजना जाहीर कराव्यात, अशी मागणी करण्यात आली.

अनुसूचित जातींचा अनुशेष पूर्णपणे भरून काढावा, सामाजिक न्यायाच्या नावाखाली सामाजिक संघर्ष निर्माण होऊ नये, निर्णय प्रक्रिया पारदर्शक असावी आणि वस्तुनिष्ठ व सार्वजनिक आकडेवारीच्या आधारेच निर्णय घ्यावा, अशी भूमिका मोर्चाच्या वतीने मांडण्यात आली. दिनांक 25 ऑगस्ट 2026 रोजी हे निवेदन साद करण्यात आले.

या रॅलीमध्ये सुमारे 20 ते 22 हजाराचा जन समुदाय होता.
पोलीस निरीक्षक रंगनाथ धारबळे, एपीआय अजयकुमार वाढवे, पीएसआय मैनोद्दिन सय्यद, मसलोद्दीन शेख सह पोलीस कर्मचारी, होमगार्ड, महिला होमगार्ड आणि शीघ्रकृतिदलाचे पथक बंदोबस्ताला होते. सात समता दलाचे सैनिक या ठिकाणी बंदोबस्ताला होते व आयोजकांच्या वतीने सुमारे 450 स्वयंसेवक बंदोबस्ताला होते.

मोर्चेकरी हे तहसीलच्या समोर एकत्रीत आले तेथे व्यासपीठावर विविध मान्यवरांनी मार्गदर्शन केले यामध्ये मालेगाव येथील वक्ते सुनील पवार,
नाटीकेच्या माध्यमातुन समाजबांधवांना केले प्रबोधन सभेच्या समारोप नंतर तहसीलदारांकडे निवेदन देण्यात आले.