अट्रावलला गंभीर गुन्ह्यातील संशयीत पोलिसांना शरण

लोखंडी रॉड, लोखंडी खुरपीच्या साह्याने त्यांच्यावर प्राण घातक हल्ला चढवून त्यांना ठार मारण्याचा प्रयत्न केला. या प्रकरणी यावल पोलीस ठाण्यात विजया तायडे यांच्या फिर्यादीवरून सात जणाविरुद्ध जीवे ठार मारण्याच्या प्रयत्नाचा गुन्हा दाखल करण्यात आला. या गुन्ह्यात सहा जणांना अटक करण्यात आली व या सर्व सहा जणांविरूध्द न्यायालयात दोषारोपपत्र देखील सादर करण्यात आले.

या गुन्ह्यातील संशयीत पोलीस कर्मचारी बादल तायडे हा पसार होता व त्याचा जामीन अर्ज उच्च न्यायालयाने फेटाळला होता. संशयीत रविवारी यावल पोलिसात शरण आल्याने त्यास अटक करण्यात आली. संशयीत सोमवारी यावल येथील न्यायालयात प्रथमवर्ग न्या.आर.एस.जगताप यांच्या समोर हजर केले असता त्याला मंगळवारपर्यंत एक दिवसाची पोलीस कोठडी सुनावण्यात आली. तपास पोलीस निरीक्षक रंगनाथ धारबळे यांच्या मार्गदर्शनाखाली सहायक पोलीस निरीक्षक अजयकुमार वाढवे करित आहे.

पोलीस कर्मचारी सेवेतून निलंबित
गुन्हा दाखल झाल्यानंतर पोलीस कर्मचारी बादल तायडे यास 31 मार्च रोजी निलंबीत करण्यात आले व खात्याअंतर्गत प्राथमिक चौकशी करून 18 जुन रोजी अहवाल सादर करण्यात आल्यानंतर दोन वर्षांची वेतनवाढ रोखण्यात आली.