यावल (बुधवार, 2 सप्टेंबर 2026) : यावल तालुक्यातील डांभूर्णी येथे वाहन कोणीतरी पंक्चर करत असल्याने 30 वर्षीय तरुणाने शिविगाळ केली. याचा राग येऊन चौघांनी त्याला लोखंडी रॉडने मारून दुखापत करीत ठार मारण्याची धमकी दिली. या प्रकरणी यावल पोलिसात चौकडीविरोधात गुन्हा दाखल करण्यात आला.
काय आहे प्रकरण ?
डांभूर्णी, ता.यावल येथील शरद नामदेव कोळी यांनी यावल पोलिसात दिलेल्या फिर्यादीनुसार त्यांचे चारचाकी वाहन कोणीतरी पंक्चर करीत असल्याने हे वाहन कोणीतरी मुद्दाम पंक्चर करीत असल्याच्या संशयातून त्यांनी शिविगाळ केली व याचा राग येऊन विनोद प्रकाश सपकाळे, अनिल प्रकाश सपकाळे, रामचंद्र प्रकाश सपकाळे व रोहन अनिल सपकाळे या चार जणांनी त्याला शिविगाळ केली व लोखंडी रॉडने मारून दुखापत केली आणि त्याला ठार मारून टाकण्याची धमकी दिली.
