भुसावळात सोनार भगिनींची पर्यावरणपूरक किमया : गाईच्या शेणापासून साकारली आकर्षक गणेशमूर्ती

भुसावळ (गुरुवार, 24 सप्टेंबर 2026) : शहरातील गंगाराम प्लॉटमधील भवानी पेठमध्ये राहणार्‍या खिलेश्वरी सोनार, प्रांजल सोनार आणि रोमा सोनार या तीन सख्ख्या बहिणींनी यंदाच्या गणेशोत्सवात एक आगळा-वेगळा आणि पर्यावरणपूरक संदेश दिला आहे. या तिन्ही भगिनींनी एकत्र येत गाईच्या शुद्ध शेणापासून अत्यंत आकर्षक अशी गणेशमूर्ती साकारली आहे. सध्या या मूर्तीची आणि तिच्या सभोवतालच्या देखाव्याची शहरात जोरदार चर्चा सुरू आहे. ही अनोखी आरास पाहण्यासाठी नागरिकांची मोठी गर्दी होत आहे.

स्वर्गातून बाप्पाचे आगमन
या बहिणींनी केवळ मूर्तीच नाही तर त्याभोवती अतिशय सुंदर देखावा (आरास) देखील तयार केला आहे. जणू काही साक्षात स्वर्गातून गणेशजी पृथ्वीवर प्रकट होत आहेत, असा विहंगम देखावा त्यांनी उभा केला आहे. हा देखावा जिवंत वाटावा यासाठी कापसाचा वापर करून हुबेहूब पांढरे भरे ढग तयार करण्यात आले आहेत.