महामानवाची जयंती उत्साहात साजरी करा : भुसावळात अपर पोलिस अधीक्षक चंद्रकांत गवळी

भुसावळ  : दोन वर्षानंतर मिरवणुकीला परवानगी असल्याने यंदा तरुणांमध्ये मोठा उत्साह आहे. महामानव डॉ.बाबासाहेब आंबेडकर यांची जयंती निश्चितपणे उत्साहात साजरी करा मात्र मिरवणुकीचे पावित्र्य राखा, असे आवाहन अपर पोलिस अधीक्षक चंद्रकांत गवळी यांनी येथे केले. मंगळवारी शहरातील प्रभाकर हॉलमध्ये डॉ.बाबासाहेब आंबेडकर जयंतीनिमीत्त समिती अध्यक्ष, सदस्य व पदाधिकारी, कार्यकर्ते यांची बैठक झाली. याप्रसंगी ते बोलत होते.

यांची होती उपस्थिती
यावेळी डीवायएसपी सोमनाथ वाघचौरे यांनी प्रास्ताविक केले. जगन सोनवणे, विनोद सोनवणे, रीपाईचे उत्तर महाराष्ट्र अध्यक्ष रमेश मकासरे, सुदाम सोनवणे, गणेश सपकाळे, शरद सोनवणे, रूपेश सांळुखे यांनी मनोगत व्यक्त करीत, जयंतीच्यानिमित्ताने सूचना मांडल्यात. रात्री उशीरापर्यत डॉ. बाबासाहेब आंबेडकर मार्गावर पोलिस बंदोबस्त ठेवावा, अश्या सूचना केल्यात.