धक्कादायक : दोन मुलांचा बाप प्रेयसीसोबत सापडला : पत्नीने रंगेहाथ पकडताच घडली धक्कादायक घटना

घरातच घेतला गळफास
कोरबा पोलिसांनी दिलेल्या माहितीनुसार मानिणपूर चौकी क्षेत्रातील एका व्यक्तीने गळफास घेऊन आत्महत्या केली होती. त्याचे कुठल्यातरी महिलेसोबत प्रेमप्रकरण सुरू होते, असे सांगण्यात येत आहे. या प्रेमप्रकरणाची कुणकुण त्याच्या पत्नीला लागली. त्यानंतर त्या दोघांमध्ये कडाक्याचे भांडण झाले. माणिकपूर चौकी क्षेत्रातील कुआंभट्टा परिसरामध्ये राहणारा सद्दाम हुसेन हा त्याची पत्नी आणि दोन मुलांसह राहत होता. त्याने त्यापूर्वीही एक लग्न केलं होतं. मात्र काही कारणामुळे त्याने आपल्या पहिल्या पत्नीला सोडले होते. आता तो त्याच्या दुसर्‍या पत्नीसह राहत होता. दुसर्‍या पत्नीपासून त्याला दोन मुले आहेत. दरम्यान, पोलिसांनी दिलेल्या माहितीनुसार गेल्या सोमवारी कुटुंबामधील सर्वजण भोजन करून झोपले होते. मंगळवारी सकाळी जेव्हा सद्दामची पत्नी झोपून उठली तेव्हा तिला दुसर्‍या खोलीमध्ये पतीचा मृतदेह दिसला. त्यानंतर या घटनेची माहिती पोलिसांना दिली गेली. तेव्हा पोलिसांचं पथक घटनास्थळी पोहोचलं. त्यानंतर मृतदेहाचा पंचनामा करून मृतदेह शवविच्छेदनासाठी पाठवला. चौकशीमध्ये पोलिसांना संपूर्ण प्रकरणाची माहिती मिळाली. त्याआधारे पुढील कारवाई सुरू करण्यात आली आहे.