कळमडू गावातील शहिद जवानावर शासकीय इतमामात अंत्यसंस्कार !

The martyred jawan of Kalamdu village was cremated with state pomp ! चाळीसगाव : तालुक्यातील कळमडू गावातील वीर सुपूत्र अमोल राजेंद्र देवरे यांच्या मृतदेहावर गुरुवारी हवेत बंदुकीच्या फैरी झाडून शासकीय इतमामात अंत्यसंस्कार करण्यात आले. अमोल देवरे या जवानाला कर्तव्यावर असताना वीर मरण आल्यानंतर मूळ गावी कळमडू येथे गुरुवारी शासकीय इतमामात अंत्यसंस्कार करण्यात आले.

कळमडूत स्मारक उभारणार
फुलांनी सजवलेल्या ट्रॅक्टरमधून मृत जवानाची गावातून अंत्ययात्रा निघाली. या प्रसंगी जवान अमोल देवरे अमर रहेच्या घोषणा देण्यात आल्या. दरम्यान, शहिद अमोल देवरे यांच्या स्मृतीप्रीत्यर्थ आमदार निधीतून 30 लाख रुपये खर्चातून भव्य अश्या स्मारकाची उभारणी कळमडू गावात केली जाईल तसेच देवरे कुटुंबियांच्या पाठीशी सर्व तालुका उभा राहिल, अशी ग्वाही आमदार मंगेश चव्हाण यांनी यावेळी दिली.