बसमधील गर्दीत वृद्ध प्रवाशाच्या हातातून बांगडी चोरली : चाळीसगावात आरोपी सतर्कतेने जाळ्यात

Bhamta in Mumbai caught in the net while stealing a bangle from the hand of an old woman in Chalisgaon चाळीसगाव : मुंबईतील अट्टल आरोपीस चाळीसगावात चोरी करताना सतर्क प्रवाशांसह पोलिसांनी पकडल्याची घटना घडली. आरोपीला चाळीसगाव शहर पोलिसांच्या ताब्यात देण्यात आले. कुणाल सुनील गायकवाड (28, रा.चंद्राबाई चाळ, वडारपाडा, अंबरनाथ, जि.ठाणे) असे अटकेतील आरोपीचे नाव आहे.

बांगडी चोरताना आरोपी जाळ्यात
चाळीसगाव तालुक्यातील वरखेडे बुद्रुक येथील 69 वर्षीय वृद्ध महिला चाळीसगाव बस स्थानकात बसमध्ये चढत असताना अंबरनाथ (ठाणे) येथील आरोपीने त्यांच्या हातातील 60 हजार रुपये किमतीची 15 ग्रॅम सोन्याची बांगडी कटरने कापून पलायन करत होता. याच वेळी प्रवाशांच्या मदतीने संशयित कुणाल सुनील गायकवाड (28, रा. चंद्राबाई चाळ, वडारपाडा, अंबरनाथ, जि. ठाणे) यास पोलिस कॉन्स्टेबल दीपक चौधरी यांनी पकडल्याची घटना 9 रोजी दुपारी 12 वाजेच्या सुमारास घडली. या प्रकरणी वृद्धेच्या फिर्यादीवरून कुणाल गायकवाड याच्या विरोधात गुन्हा दाखल करण्यात आला असून त्याच्याकडून सोन्याची बांगडी हस्तगत करण्यात आली आहे.