पाचोर्‍यात पुतण्याच्या मृत्यूची बातमी ऐकताच काकूनेही सोडले प्राण

On hearing the news of her nephew’s death in Pachora, the aunt also gave up her life पाचोरा : मृत्यू हा अटळ शाश्वत असलातरी तो केव्हा कोणत्या रुपाने येईल हे कुणीही सांगू शकत नाही. धावत्या रेल्वेच्या धक्क्याने पुतण्याचा झालेला मृत्यूची वार्ता ऐकताच काकूचाही मृत्यू झाला. या घटनेमुळे हनुमान नगर परीसरामध्ये हळहळ व्यक्त होत आहे. सोनार कुटुंबातून एकाच दिवशी दोन अंतयात्रा निघाल्याने ऐन संक्रांतीच्या सणाच्या तोंडावर सोनार कुटुंबावर दुःखाचा डोंगर कोसळला.

रेल्वेच्या धक्क्याने पुतण्याचा मृत्यू
पाचोरा शहरातील हनुमान नगर भागातील रहिवाशी दादाभाऊ मोरे व त्यांचे दोन्ही भावांचे कुटुंब एकाच ठिकाणी वास्तव्यास आहेत. 11 रोजी दादाभाऊ मोरे हे यांचे काकाच्या उत्तरकार्यासाठी वरखेडी, ता.पाचोरा येथे गेले होते. उत्तरकार्य आटोपुन आल्यानंतर त्यांचा लहान मुलगा किरण मोरे (27) हा कामानिमित्त शहरातील दुसर्‍या भागाकडे जात असतांना पाचोरा ते गाळण रेल्वे स्थानका दरम्यान रेल्वे कि. मी. खंबा क्रं. 369 / 18 ते 369 / 20 दरम्यान रेल्वे लाईन क्रास करत असतांना मुंबई हुन जळगांवच्या दिशेने जाणार्‍या भरधाव धावत्या रेल्वे (गाडी क्रं. 15548)चा धक्का लागल्याने किरण सोनार यांचा जागीच मृत्यू झाला. घटनेची माहिती रेल्वेचे लोको पायलट जे.एच. देवरे यांनी पाचोरा रेल्वे स्टेशनचे उप स्टेशन प्रबंधक यांना दिल्यानंतर त्यांनी सदरची माहिती पाचोरा पोलिस स्टेशनमध्ये दिली.