Amalapada Talathi Nandurbar in ACB’s net तीन हजारांची लाच भोवली : अमलापाडा तलाठी नंदुरबार एसीबीच्या जाळ्यात
Five thousand bribe : Amalapada Talathi Nandurbar in ACB’s net नंदुरबार : सातबारा उतार्यावर नाव लावून देण्याच्या मोबदल्यात तडजोडीअंती तीन हजारांची लाच मागून ती स्वीकारणार्या अमलापाडा, ता.तळोदा येथील तलाठी नंदलाल प्रभाकर ठाकूर (44) यास नंदुरबार एसीबीने लाच स्वीकारताच अटक केली. हा सापळा सोमवार, 3 जुलै रोजी तळोदा तलाठी भवनात दुपारी 12.10 वाजेच्या सुमारास यशस्वी करण्यात आला. या कारवाईने लाचखोरांच्या गोटात प्रचंड खळबळ उडाली आहे.
असे आहे लाच प्रकरण
नंदुरबार तालुक्यातील 47 वर्षीय तक्रारदार यांच्या जमिनीच्या गाव नमुना 7/12 महसूल अभिलेख्यावर नाव नोंद करून देण्यात आले असून तक्रारदार यांचे नाव सातबारा उतार्यावर लाऊन देण्याच्या व नाव लावून दिलेल्या कामाबाबत व नवीन नावाच्या सातबारा उतार्यावर सही शिक्का देण्याच्या मोबदल्यात तलाठी नंदलाल ठाकूर यांनी सोमवार, 26 तक्रारदार यांच्याकडून पाच हजार रुपये लाचेची मागणी केल्यानंतर तीन हजार रुपये देण्याचे ठरले मात्र तक्रारदाराने याबाबत एसीबीकडे तक्रार केल्यानंतर सापळा लावण्यात आला. तळोदा शहरातील तलाठी भवनात सोमवारी दुपारी 12.10 वाजता तक्रारदाराकडून लाच स्वीकारताच आरोपी तलाठ्याला अटक करण्यात आल्याने महसूल विभागातील लाचखोरांमध्ये खळबळ उडाली.
