भुसावळात 167 कोनशीला झाकल्या ; 148 पोस्टर हटवले

167 corners were covered in straw ; 148 posters deleted भुसावळ : लोकसभा निवडणुकीची आदर्श आचारसंहिता शनिवारी दुपारी तीन वाजेच्या सुमारास लागू होताच राजकीय पक्षाचे झेंडे, बॅनर, फलक काढण्यास सुरूवात करण्यात आली. 72 तासात खासगी जागांवरील झेंडे, बॅनर काढा आणि आदर्श आचार संहितेचे पालन करा, अश्या सूचना प्रांताधिकारी जितेंद्र पाटील यांनी अधिकार्‍यांच्या बैठकीत दिल्या असून पहिल्या 48 तासात
167 कोनशीला झाकण्यात आल्या असून 148 पोस्टर्स काढण्यात आले आहेत तर 53 कट आऊट, 113 बॅनर व 105 झेंडे जप्त करण्यात आले आहेत. सोमवारपासून पब्लिक प्रॉपर्टीवरील राजकीय साहित्य जप्त केले जाणार असल्याची माहिती उपमुख्याधिकारी लोकेश ढाके यांनी दिली.

विभागप्रमुखांच्या बैठकीत सूचना
लोकसभा निवडणूकीची आचारसंहिता शनिवारी लागणार असल्याने प्रांताधिकारी पाटील यांनी शुक्रवारी संध्याकाळी सातलाच सर्व विभाग प्रमुख सरकारी अधिकारी, पोलीस अधिकारी यांच्या बैठकीचे आयोजन केले. या बैठकीत आचार संहितेचे पालन करण्याबाबत त्यांनी सूचना केल्यात. आचारसंहिता लागल्याने आता निवडणुकीच्या कामाला वेग आला आहे. यामुळे प्रत्येक अधिकार्‍यांनी त्यांना नेमून दिलेले काम चोखपणे पार पाडायचे आहे. यासाठी प्रत्येक अधिकार्‍यांनी त्यांच्या कार्यक्षेत्रात जाऊन त्यांच्या मतदान केद्रांची त्या केंद्राच्या आवारात कुठे राजकीय पक्षाचे पोस्टर, फोटो, झेंडे, बॅनर लावले आहे का याची पाहणी करा, ते असल्यास तत्काळ काढून टाका, पालिकेच्या सूचना करा, पोस्टर, चित्र, झेंडा कुठे चिकटवला आहे. याची माहिती पालिका प्रशासनाला द्या, जेणे करून ते काढून टाकले जातील. पहिल्या 24 तासात शासकीय कार्यालयावर लावण्यात आलेले फलक झाकून टाका नाही तर काढून टाका, प्रत्येक अधिकार्‍यांनी त्याच्या कार्यालयावर अथवा इमारतीच्या परिसरात झेंडे लावले आहे का याची पाहणी करावी, असे निर्देश प्रांताधिकार्‍यांनी दिले होते.