रावेर : देशात पेट्रोलसह डिझेल, गॅस व खाद्यतेलासह अन्य जीवनावश्यक वस्तूंचे दर वाढल्याने त्या निषेधार्थ रावेरात राष्ट्रवादी युवक काँग्रेसच्या वतीने युवक जिल्हाध्यक्ष रवींद्र नाना पाटील व जिल्हा कार्याध्यक्ष तथा पंचायत समिती सदस्य दीपक पाटील यांच्या प्रमुख उपस्थितीत आंदोलन करीत प्रशासनाला निवेदन देण्यात आले. रावेर तालुक्यातील व शहरातील सर्व राष्ट्रवादी युवक पदाधिकारी व कार्यकर्त्यांच्या उपस्थितीत रावेर तहसीलदार यांना निवेदन देण्यात आले. यावेळी तालुकाध्यक्ष नीळकंठ चौधरी, युवक तालुकाध्यक्ष सचिन रमेश पाटील, कुणाल महाले, जिल्हा उपाध्यक्ष श्रीकांत चौधरी, सिद्धार्थ तायडे, प्रणीत महाजन आदी उपस्थित होते.
