कोपरगाव यार्डातील कामामुळे रेल्वेचा 19 दिवसांचा ब्लॉक सुरू : महाराष्ट्र एक्स्प्रेससह आठ गाड्या रद्द

19-day railway block begins due to work at Kopargaon yard : Maharashtra Express along with eight trains cancelled भुसावळ : कोपरगाव ते कान्हेगांव दरम्यान एन आय आणि नॉन एन आय आणि डबल लाईन यार्ड रिमॉडेलिंगचे काम रेल्वे प्रशासनाकडून केले जात असल्याने रेल्वे प्रशासनाकडून 3 ते 24 जानेवारील काळात ब्लॉक घेण्यात आला आहे. कोपरगाव ते कान्हेगांव दरम्यान एन आय आणि नॉन एन आय आणि डबल लाईन यार्ड रिमॉडेलिंगचे काम ज्यामध्ये दौंड मनमाड विभागातील कोपरगाव ते कान्हेगाव स्थानकादरम्यान नॉन इंटरलॉकिंगचे काम, सोलापूर विभागातील कोपरगाव यार्डच्या पुनर्निर्मितीसह दुहेरी मार्गाचे कामासाठी 3 ते 23 जानेवारी या कालावधीत ब्लॉक घेतला आहे. तसेच ि24 जानेवारीला एनवाय कामासाठी ब्लॉक घेतला आहे. यामुळे या मार्गावरील आठ रेल्वे गाड्या रेल्वे प्रशासनाकडून रद्द करण्यात आल्या आहे. यामुळे प्रवाशांना अडचणी निर्माण होणार आहे.

आरक्षीत तिकीटांचा मिळणार परतावा
रेल्वे प्रशासनाकडून ब्लॉक घेत महत्वपूर्ण काम केले जात असल्याने ब्लॉक घेतला आहे, यामुळे प्रवाशांची गैरसोय होणार आहे. रद्द असलेल्या गाड्यामुळे प्रवाशांना त्यांचे तिकीटाचे पूर्ण रक्कम परत मिळणार आहे, ज्यांनी ऑनलाईन तिकीटे काढलेली आहे, त्याच्या बॅक खात्यात ही रक्कम परत जाणार आहे. तर ज्यांनी तिकीट खिडकीवरून तिकीट काढलेले आहे, त्यांना तिकीट खिडकीवरूनच तिकीटाची रक्कम मिळणार आहे.