Five new buses arrived at Raver depot : Special efforts of MLA Amol Javale रावेर (5 मे 2025) : रावेर एस.टी. आगारात आमदार अमोलभाऊ जावळे यांच्या विशेष पाठपुराव्यामुळे राज्य परिवहन मंडळाकडून पाच नवीन एसटी बस प्राप्त झाल्या असून, या उपक्रमामुळे प्रवासी नागरिकांत आनंदाची लाट उसळली आहे. दीर्घ काळापासून या बसची प्रतीक्षा होती, ती अखेर पूर्ण झाली आहे.
या नव्या बसांचा लोकार्पण सोहळा मोठ्या उत्साहात पार पडला. नारळ फोडून व विधिवत पूजन करून बससेवेचे उद्घाटन करण्यात आले. या कार्यक्रमात भाजपाचे पदाधिकारी, कार्यकर्ते, प्रशासकीय अधिकारी आणि विविध विभागांचे मान्यवर उपस्थित होते.
सध्या रावेर आगारात एकूण 55 बस कार्यरत आहेत. यातील 5 बस लवकरच स्क्रॅपमध्ये जाणार असल्याने बसफेर्या नियमितपणे चालवताना अडचणी निर्माण होण्याची शक्यता होती. मात्र, नव्याने मिळालेल्या बसमुळे ही अडचण दूर होणार आहे, व प्रवाशांची सेवा अधिक सुलभ होणार आहे.
यांची होती उपस्थिती
या कार्यक्रमात भाजपा प्रदेश सदस्य सुरेशभाऊ धनके, जिल्हा उपाध्यक्ष पद्माकरभाऊ महाजन, प्रल्हादभाऊ पाटील, आगारप्रमुख इम्रान पठाण, तहसीलदार बंडू कापसे, पीएसआय डॉ. विशाल जयस्वाल, डॉ. संदीप पाटील, जिल्हा चिटणीस राजनभाऊ लासुरकर, माजी गटनेते पं. स. पि. के. महाजन, तालुका अध्यक्ष रवींद्र पाटील, दुर्गेश पाटील, युवा मोर्चा अध्यक्ष चेतन पाटील, सहकार आघाडी उपाध्यक्ष नितीन पाटील, महिला आघाडी अध्यक्षा आशाताई सपकाळे, ओबीसी मोर्चा जिल्हा सरचिटणीस वासुभाऊ नरवाडे, उमेश महाजन, मनोजभाऊ श्रावक, निलेश सावळे, अमोल पाटील, रविंद्र महाजन, भूषणभाऊ महाजन, बाळा आमोदकर, योगेश महाजन, पंकज चौधरी, चंद्रकांत वैद्यकर, राजेश भाऊ शिंदे, अनंत महाजन, अजिंक्य वाणी, लखन महाजन यांच्यासह अनेक कार्यकर्ते व पदाधिकारी मोठ्या संख्येने उपस्थित होते.
या नवीन बस मुळे रावेरवासीयांना अधिक चांगली, नियमित व सोयीची बससेवा मिळण्यास मदत होणार असून, आमदार अमोल जावळे यांच्या प्रयत्नांचे स्थानिक नागरिकांकडून मनःपूर्वक स्वागत व कौतुक करण्यात येत आहे.
