45-year-old adult commits suicide in Jalgaon जळगाव (15 सप्टेंबर 2025) : शहरातील रामेश्वर कॉलनी येथील रहिवासी असलेल्या 45 वर्षीय प्रौढाने गळफास घेतला. ही घटना रविवार, 14 सप्टेंबर रोजी संध्याकाळी सहा ते सात वाजेच्या सुमारास उघडकीस आली. याप्रकरणी एमआयडीसी पोलिस स्टेशनला अकस्मात मृत्यूची नोंद करण्यात आली. शंकर आधार पाटील (45, रा.रामेश्वर कॉलनी, जळगाव) असे मयताचे नाव आहे.
आत्महत्येचे कारण अस्पष्ट
शंकर हा पत्नी, एक मुलगा यांचेसह राहत होता. तर शंकरच्या आई वडील अमळनेर तालुक्यातील नांदगाव येथे रहिवासी आहे. शंकर हा सेंट्रींग काम करून परिवाराचा उदरनिर्वाह करीत होता.
रविवारी, 14 रोजी संध्याकाळी घरी कोणी नसताना त्याने गळफास लावून घेत आत्महत्या केली. कुटुंबीयांना माहिती समजताच त्यांनी नागरिकांच्या मदतीने शंकर पाटील याला शासकीय वैद्यकीय महाविद्यालय व रुग्णालयात उपचारासाठी दाखल केले.
या ठिकाणी वैद्यकीय अधिकार्‍यांनी तपासून त्यास मयत घोषित केले. यावेळी कुटुंबीयांनी रुग्णालयात एकच आक्रोश केला. एमआयडीसी पोलिसात अकस्मात मृत्यूची नोंद करण्यात आली. शंकर पाटील यांनी आत्महत्या का केली यामागील कारण समजू शकले नाही.
