हिवाळी अधिवेशनात ‘लव जिहाद’ विरोधी कायदा लागू करा
जलसंपदा मंत्री गिरीश महाजन यांना हिंदु जनजागृती समितीचे निवेदन
Enact anti-‘love jihad’ law in winter session यावल (26 ऑक्टोबर 2025) : राज्याचे जलसंपदा मंत्री, आपत्ती व्यवस्थापन मंत्री गिरीश महाजन यांना हिंदू जनजागृती समितीच्या वतीने ‘लव्ह जिहाद’ विरोधी कायदा राज्याच्या आगामी हिवाळी अधिवेशनात त्वरित लागू करण्यात यावा, या मागणीचे निवेदन देण्यात आले. ते यावल तालुक्यातील आसराबारी या आदिवासी पाड्यावर दिवाळी साजरी करण्यासाठी आले असता समितीच्या वतीने धीरज भोळे यांनी हे निवेदन दिले.
मग महाराष्ट्रात का कायदा नाही ?
या निवेदनामध्ये, महाराष्ट्रात ‘लव जिहाद’च्या वाढत्या घटनांवर चिंता व्यक्त करण्यात आली. महिला व मुलींच्या सुरक्षेसाठी हा कायदा तातडीने अंमलात आणण्याची मागणी करण्यात आली. सध्या देशात 11 राज्यात यावर कायदा असून आता महाराष्ट्रातही हा कायदा लागू करून महिलांच्या सुरक्षेच्या दृष्टीने एक मजबूत पाऊल शासनाने उचलावे अशी अपेक्षा यातून व्यक्त केली.
