ज्वारी-मका खरेदी नोंदणीस शासनाची मुदतवाढ

जळगाव (1 डिसेंबर 2025) : खरीप पणन हंगाम 2025-26 अंतर्गत किमान आधारभूत किमत खरेदी योजने अंतर्गत ज्वारी, मका व बाजरी (भरडधान्य) खरेदीकरिता शेतकरी नोंदणीच्या अंतिम मुदतीत वाढ करण्यात आली आहे. पूर्वी ही मुदत 30 नोव्हेंबरपर्यंत होती मात्र आता असलेली नोंदणी इश-च् पोर्टलवर तांत्रिक अडचणी येत असून नोंदणी संथ गतीने होत असल्याने शासनाने नोंदणीची मुदत दि. 15 डिसेंबर 2025 पर्यंत वाढविण्याचा निर्णय घेतला आहे.

शासनाने प्रत्यक्षात खरीप खरेदी प्रक्रिया 3 नोव्हेंबर 2025 ते 28 फेब्रुवारी 2026 या कालावधीत राबविण्याचे निश्चित केले असून, भरडधान्याकरिता ज्वारी (संकरीत) – 3699, मका – 2400, बाजरी – 2775 रुपये प्रति क्विंटल निश्चित करण्यात आले आहेत. जिल्ह्यातील अमळनेर, पारोळा, चोपडा, धरणगांव, पाळधी, एरंडोल, म्हसावद, जळगाव, भुसावळ, यावल, रावेर, मुक्ताईनगर, बोदवड, जामनेर, शेंदुर्णी, पाचोरा, भडगाव, चाळिसगाव इ. केंद्रांवर शेतकर्‍यांना हमीभावाचा लाभ घेता येणार आहे.

सर्व शेतकरी बांधवांनी किमान आधारभूत किंमत खरेदी योजनेअंतर्गत भरडधान्य खरेदी योजनेचा लाभ घ्यावा. ही योजना शेतक-यांच्या शेतमालाला योग्य भाव मिळावा याकरीता राबविण्यात येत आहे. त्यामुळे सर्व शेतक-यांनी ज्वारी, मका व बाजरी विक्रीकरीता आपल्या तालुक्यातील खरेदी केंद्रावर जावून 7/12 उतारा, आधारकार्ड व बँकेचे पासबुक घेवून प्रथम आपल्या पिकाची नोंदणी करुन घ्यावी. नोंदणी ही ऑनलाईन पध्दतीने झेड मशिनद्वारे करण्यात येणार असल्यामुळे शेतक-यांनी आधारकार्ड, बैंक पासबुक, चालू वर्षाचा 7/12 उतारा, पीकपेरा इ. कागदपत्रांसह नोंदणीकरीता प्रत्यक्ष खरेदी केंद्रावर उपस्थित राहणे अनिवार्य आहे.

तसेच खरेदीकरीता आपणास डचड प्राप्त झाल्यानंतर शेतक-यांनी आपला ऋ.-.ट. दर्जाचे भरडधान्य विक्रीसाठी खरेदी केंद्रावर घेवून यावा व जास्तीत जास्त शेतक-यांनी सदरील योजनेचा लाभ घ्यावा असे आवाहन जिल्हाधिकारी रोहन घुगे, जळगांव, जिल्हा उपनिबंधक जळगांव, जिल्हा कृषी अधिक्षक जळगांव व जिल्हा पणन अधिकारी, जळगांव यांनी प्रसिद्धीपत्रकाद्वारे केले आहे.