जळगावनंतर भुसावळात आढळली बांग्लादेशी घुसखोर महिला : बाजारपेठ पोलिसांनी ठोकल्या बेड्या

Following Jalgaon, a Bangladeshi female infiltrator found in Bhusawal; Market Police take her into custody भुसावळ (20 मे 2026) : सोशल मिडीयातून बहरलेल्या प्रेमातून बांग्लादेशी प्रेयसी थेट जळगावात पोहोचली होती मात्र पोलिसांना मिळालेल्या माहितीनंतर त्यांनी प्रेयसी व प्रियकराला बेड्या ठोकल्या होत्या. जळगावात झालेल्या या कारवाईनंतर भुसावळातही बांग्लादेशी महिलेचे वास्तव्य आढळले असून बाजारपेठ पोलिसांनी माहितीअंती कारवाई केली आहे. फरीदा बेगम मोहम्मद खान (42, रा.भीमकाठी, उपजिल्हा नाझीरपूर, जिल्हा पीरोजपुर, बांगलादेश) असे अटकेतील महिलेचे मूळ नाव असलेतरी तिने भारतात आल्यानंतर खोट्या पुराव्यांद्वारे जस्मीन बी.मोहम्मद खान (दीनदयाल नगर, भुसावळ) असे नाव धारण केल्याचे समोर आले आहे.

बांग्लादेशी असल्याचे पुरावे प्राप्त
पोलिसांनी आरोपी महिलेकडून मोबाईल जप्त केला असून मोबाईलच्या तांत्रिक विश्लेषणात व्हॉटसअ‍ॅप कॉलवरून बांगलादेशी कंट्री कोड (+880) असलेल्या क्रमांकांशी सातत्याने संपर्क, चॅटिंग व व्हिडिओ कॉल्स झाल्याचे पुरावे प्राप्त झाल्याची माहिती असून मोबाईलमध्ये आरोपीच्या जन्मदाखल्याची प्रत देखील आढळल्याचे समजते.