ऑपरेशन टायगर : शिवसेनेसोबत सहा खासदार नसल्याचा ठाकरेंच्या शिवसेनेला ठाम विश्वास

Operation Tiger: Thackeray’s Shiv Sena firmly believes that the six MPs are not with the Shiv Sena. मुंबई (18 जून 2026) : राज्यातील राजकीय घडामोडीनंतर एकनाथ शिंदेंच्या शिवसेनेसोबत सहा खासदार नसल्याचा ठाकरेंच्या शिवसेनेला ठाम विश्वास आहे त्यामुळे ठाकरेंच्या शिवसेनेचे लोकसभेतील गटनेते खासदार अरविंद सावंत यांनी व्हीप जारी करून आपल्या संसदीय पक्षाची बैठक बोलावली आहे. दरम्यान, ऑपरेशन टायगरवरून अरविंद सावंत यांनी आमच्या खासदारांवर पूर्ण विश्वास असल्याचं सांगितले असून ऑपरेशन टायगर यशस्वी झाले असेल तर चेहरे दाखवा, अशी मागणीही अरविंद सावंत यांनी केली आहे.

सहापैकी दोन खासदारांची आश्वासनं पूर्ण झालेली नाहीत
उंबरठ्यावरच्या सहापैकी दोन खासदारांची आश्वासनं पूर्ण झालेली नाहीत त्यामुळे त्यांनी स्वाक्षरी केलेली नसल्याचा दावा करण्यात येत आहे. हे दोन खासदार आजच्या बैठकीला निश्चित येतील, असा ठाकरेंच्या शिवसेनेला विश्वास आहे पण ठाकरेंच्या शिवसेनेकडे त्यांचे सर्वच्या सर्व लोकसभा खासदारसोबत असल्याची अधिकृत माहिती नाही पण त्याचवेळी शिंदेंच्या शिवसेनेकडून उंबरठ्यावरच्या सहा खासदारांच्या स्वाक्षरी अधिकृत ठरल्यायत किंवा ओम बिर्ला यांना सहा खासदारांच्या स्वाक्षरीचे पत्र देण्यात आले याबाबत अजूनही अधिकृत माहिती किंवा फोटो समोर आलेला नाही. आपल्या खासदारांविरोधात कोणत्याही प्रतिक्रिया देऊ नका, अशा सूचना ठाकरेंच्या शिवसेनेकडून आपल्या नेत्यांना देण्यात आल्याची सूत्रांची माहिती आहे.