वरणगावला शिवसेनेतर्फे उद्या वीज वितरण कार्यालयावर धडक मोर्चा आंदोलन

वरणगाव (29 जून 2026) : शहरासह ग्रामीण परिसरात वारंवार खंडित होणारा वीजपुरवठा, शेतात असलेले रोहित्र वारंवार जळणे नादुरुस्त होणे तसेच कमी दाबाने वीजपुरवठा आणि बेकायदेशीर घरात बसविण्यात येत असलेले स्मार्ट मीटर अशा विविध समस्यांबाबत त्रस्त झालेले नागरिक यांच्या समस्यावर उपाय योजना ताबडतोब करण्यात याव्यात यासाठी जिल्हाप्रमुख समाधान महाजन यांच्या नेतृत्वाखाली मंगळवार, 30 जुन रोजी सकाळी 11 वाजता शिवसेनेतर्फे वीज वितरण कार्यालयावर धडक मोर्चा काढून आंदोलन करण्यात येणार आहे.

लोकशाही पद्धत्तीने आंदोलन
मंगळवारी सकाळी 10 वाजता शिवसेना संपर्क कार्यालय बस स्टँड येथून वीज वितरण कार्यालय येथे शिवसेनेतर्फे लोकशाही पद्धतीने मोर्चा काढून आंदोलन करण्यात येणार आहे. यावेळी वीज वितरण विभागाचे संबंधित ग्रामीण आणि शहरी अभियंता, कर्मचारी यांची उपस्थिती अनिवार्य आहे.