भुसावळात पाणी पेटले : वंचित बहुजन आघाडीचा 6 रोजी पालिकेवर ‘हंडा मोर्चा’

Water Issue Ignites Tensions in Bhusawal : Vanchit Bahujan Aghadi to Stage ‘Handa Morcha’ at Municipal Council on the 6th भुसावळ (1 जुलै 2026) : भुसावळात गेल्या अनेक वर्षांपासून पाणीप्रश्न प्रलंबित आहे. शहराजवळ असलेले हतनूर धरण व वाहणारी तापी नदी असतानाही शहरवासीयांना बारमाही पाणीटंचाईचे चटके सोसावे लागत आहेत तर केंद्राची महत्त्वकांक्षी योजना अमृत मंजूर झाली व चारवेळा मुदतवाढ देवूनही ही योजना पूर्ण न झाल्याने ही स्थिती उद्भवल्याने याचा जाब विचारण्यासाठी भुसावळ पालिकेवर सोमवार, 6 रोजी ‘भव्य धिक्कार मोर्चा’ काढण्यात येणार असल्याची माहिती वंचितचे युवा जिल्हाध्यक्ष बाळा पवार यांनी पत्रकार परिषदेत दिली.

पाण्यावर कोट्यवधींची उधळण
शासकीय विश्रामगृहात मंगळवारी पत्रपरिषदेत बाळा पवार म्हणाले की, शहरात दिवसेंदिवस पाणी प्रश्न अधिक बिकट होत चालला आहे. भुसावळ नगरपालिकेचे सत्ताधारी व प्रशासन मात्र हा प्रश्न सोडवण्याबाबत प्रचंड उदासीन दिसून येतात. पाणी समस्येवर कोट्यवधी रुपयांची उधळण करून सुद्धा पाणी प्रश्न तसाच आहे यातून केवळ मोठा भ्रष्टाचार पोसला गेला आहे. गेल्या 10 वर्षापासून भुसावळ शहराला मुबलक पाणीपुरवठा सुरळीत करण्यासाठी कोट्यवधी रुपयांची महत्वकांक्षी अमृत योजना मंजूर होऊन देखील निव्वळ नगरपालिकेच्या ढिसाळ नियोजनाअभावी पूर्ण झालेली नाही. चार वेळा मुदतवाढ घेऊन सुद्धा पूर्ण योजना कोलमडली हे प्रशासनाचे अपयश आहे.