आमदार अमोल जावळे यांच्या प्रयत्नातून 4 जुलै रोजी रावेरात विशेष दिव्यांग तपासणी व युडीआयडी प्रमाणपत्र शिबिराचे आयोजन

रावेर व यावल तालुक्यातील ज्या दिव्यांग बांधवांकडे अद्याप युडीआयडी दिव्यांग प्रमाणपत्र उपलब्ध नाही, त्यांनी या शिबिराचा लाभ घ्यावा, असे आवाहन करण्यात आले आहे. तसेच यापूर्वी अर्ज केलेला असूनही प्रमाणपत्र मिळाले नसलेल्या लाभार्थ्यांनीही शिबिरात उपस्थित राहावे.

या शिबिरासाठी लाभार्थ्यांनी आधार कार्ड (मूळ व छायाप्रत), दिव्यांग व्यक्तीचा पासपोर्ट आकाराचा फोटो, रेशन कार्ड, णऊखऊ कार्डसाठी भरलेला ऑनलाइन अर्ज (ऑनलाईन नोंदणी अनिवार्य), तसेच पूर्वीचे वैद्यकीय अहवाल, एक्स-रे, एमआरआय, सीटी स्कॅन किंवा इतर संबंधित वैद्यकीय कागदपत्रे (असल्यास) सोबत आणावीत, असे आवाहन करण्यात आले आहे.

युडीआयडी प्रमाणपत्राच्या माध्यमातून दिव्यांगांना विविध शासकीय योजना, शैक्षणिक सवलती, प्रवास सवलत, पेन्शन, शिष्यवृत्ती तसेच इतर शासकीय लाभ मिळविणे अधिक सुलभ होते त्यामुळे पात्र दिव्यांगांनी या शिबिराचा लाभ घेऊन आपले णऊखऊ प्रमाणपत्र प्राप्त करावे, असे आवाहन आमदार अमोल जावळे यांनी केले आहे.

या शिबिरामुळे रावेर व यावल तालुक्यातील दिव्यांग नागरिकांना जिल्हा मुख्यालयाच्या फेर्‍या मारण्याची गरज भासणार नाही. स्थानिक पातळीवरच तज्ज्ञ डॉक्टरांकडून तपासणी व प्रमाणपत्राची प्रक्रिया पूर्ण होणार असल्याने हा उपक्रम दिव्यांगांसाठी मोठा दिलासा ठरणार आहे.