श्रीराम मंदिराच्या माध्यमातून प्रत्येकातील सद्भावना जागृत झाली पाहिजे

फैजपूर भेटीप्रसंगी विहिंप केंद्रीय मंत्री प्रशांत हरताळकर

फैजपूर : अयोध्येतील श्रीराम जन्मभूमी मंदिर निर्माण समर्पण निधी अभियानाच्या प्रचार प्रसार व आढावा दौर्‍याप्रसंगी विश्व हिंदू परीषदेचे केंद्रीय मंत्री प्रशांत हरताळकर यांनी फैजपूर शहरात भेट दिली. याप्रसंगी त्यांनी येथील सतपंथ देवस्थान येथे झालेल्या अभियान कार्यकर्त्यांच्या बैठकीत कार्यकर्ते व राम भक्तांची संवाद साधून या अभियानाचा आढावा व राम समर्पण भाविकांच्या सहवेदना जाणून घेतल्या.

प्रेमाने भारावलो : प्रशांत हरताळकर
याप्रकरणी त्यांनी आमचे कुटुंब हे पूर्वाश्रमीचे फैजपूरवासी असल्याचा आठवणींना उजाळा दिला. ऐतिहासिक फैजपूर म्हणून परीचीत होते मात्र येथे प्रत्यक्ष आलो असता फैजपूर हे पुरातन धार्मिक अध्यात्मिक नगरी आहे याचा मला आज सार्थ अभिमान वाटतो. विहिंपच्या कार्य माध्यमातून संपूर्ण भारत भर व विदेशातही भ्रमण होत असते. फैजपूरला आतापर्यंत का येणे झाले नाही याची खंत व्यक्त करीत ही माझी प्रथमच या निमित्त भेट झाली असल्याचे नमूद करून या अभियानाचे जिल्हाप्रमुख महामंडलेश्वर श्री जनार्दन हरिजी महाराज तसेच समर्पणदाते शहरवासी व अभियान कार्यकर्ते यांच्या प्रेमाने अक्षरशः भारावून गेल्याच्या भावना व्यक्त केल्या.