राष्ट्रवादी प्रदेशाध्यक्ष जयंत पाटलांच्या उपस्थितीत शेकडो पदाधिकारी करणार राष्ट्रवादीत प्रवेश !
12 रोजी प्रदेशाध्यक्षांची मुक्ताईनगरात जाहीर सभा : माजी मंत्री खडसेंनी केले मार्गदर्शन
मुक्ताईनगर : राष्ट्रवादी परीवार संवाद यात्रेच्या निमित्ताने 12 फेब्रुवारी रोजी मुक्ताईनगर येथे राष्ट्रवादी काँग्रेस पक्षाचे प्रदेशाध्यक्ष जलसंपदा मंत्री जयंत पाटील येत असून यावेळी ते मुक्ताईनगर विधानसभा मतदारसंघाच्या पक्ष संघटनेचा आढावा घेऊन कार्यकर्त्यां समवेत संवाद साधतील. यावेळी जाहिर सभा होणार असून शेकडो कार्यकर्ते राष्ट्रवादीत प्रवेश करणार आहेत. या दौर्याच्या नियोजनासंदर्भात शनिवारी पक्षाची बैठक माजी महसूल मंत्री एकनाथराव खडसे यांच्या उपस्थितीत बैठक झाली.
यांची होती उपस्थिती
या बैठकीला राष्ट्रवादी काँग्रेस पक्षाचे जिल्हाध्यक्ष रवींद्र भैय्या साहेब पाटील, जिल्हा बँक अध्यक्षा अॅड.रोहिणी खडसे-खेवलकर, महिला आघाडी जिल्हाध्यक्ष कल्पना पाटील, जिल्हा उपाध्यक्ष विनोद तराळ, भुसावळचे माजी नगराध्यक्ष उमेश नेमाडे, जिल्हा सरचिटणीस ईश्वर रहाणे, बाजार समिती सभापती निवृत्ती पाटील, विधानसभा क्षेत्र प्रमुख विजय सोनार, तालुकाध्यक्ष यु.डी.पाटील, महिला आघाडी तालुकाध्यक्ष लता सावकारे, युवक तालुका अध्यक्ष शाहीद खान, माजी सभापती राजु माळी, दशरथ कांडेलकर, विलास धायडे, रामभाऊ पाटील आणि प्रमुख पदाधिकारी उपस्थित होते.
