भ्रष्टाचारी महाविकास आघाडी सरकारचे दिवस भरले : माजी मंत्री चंद्रशेखर बावनकुळे यांची टिका

मंगेश चव्हाण हे तर सक्रिय आमदार : चंद्रशेखर बावनकुळे
ते पुढे म्हणाले की, राज्यातील 48 लोकसभा व 288 विधानसभा मतदारसंघातील प्रत्येक बुथवर भाजपा युवा मोर्चाच्या 50 – 50 युवा मोर्चा वॉरीअर्स शाखांचे उद्घाटन करण्यासाठी हा राज्यस्तरीय दौरा आयोजित केला आहे. प्रत्येक शाखेतील युवकांची माहिती गोळा करून त्यांना आत्मनिर्भर बनविण्यासाठी विविध प्रकारचे उपक्रम आगामी काळात राबविण्यात येणार आहेत. सुदैवाने राज्यातील जे काही 10-12 सक्रीय आमदार आहेत त्यातील एक आमदार मंगेश चव्हाण असून त्यांच्या सोबत युवकांना काम करता येणार असल्याने आगामी काळात तालुक्यात संघटना अजून बळकट होईल असा मला विश्वास असल्याचे त्यांनी सांगितले.

अभिमान वाटेल असेच काम करणार : आमदार चव्हाण
आमदार मंगेश चव्हाण यांनी सांगितले की, संघटनेच्या जीवावर लोकप्रतिनिधी मोठा होत असतो, त्यामुळे व्यक्तिकेंद्रित राजकारण न करता संघटनेला कधीही दुय्यम वागणूक देणार नाही. राज्यातील केवळ भाजपाच नव्हे तर सर्व पक्षातील पहिली मुकबधीर आघाडी चाळीसगाव येथे स्थापन झाली आहे. युवा मोर्चाच्या युवती आघाडीची देखील आज नियुक्ती झाली त्यात काम करणार्‍या सर्व भगिनींना विश्वास देतो की तुमचा भाऊ म्हणून मी सोबत असेल. बावनकुळे साहेब व विक्रांत पाटील यांच्या प्रमुख उपस्थितीत आज या नियुक्त्या व शाखा उद्घाटन झाल्याने हा एक सोनेरी क्षण असून निश्चितच त्यांनादेखील अभिमान वाटेल, असे काम येत्या काळात पक्ष संघटनेच्या माध्यमातून तालुक्यात उभे करू असे देखील आमदार चव्हाण यांनी सांगितले.

‘एकच चर्चा… युवा मोर्चा 
माजी मंत्री चंद्रशेखर बावनकुळे, युवा मोर्चा प्रदेशाध्यक्ष विक्रांत पाटील हे जळगाव येथून आपले कार्यक्रम आटपून येत असताना आमदार मंगेश चव्हाण यांच्या नेतृत्वाखाली चाळीसगाव तालुक्यातील हिंगोणे, वाघळी, पातोंडा, ओझर, टाकळी प्रचा 2, चाळीसगाव शहर 3, खडकी बु., तळेगाव, रोहिणी येथे युवा मोर्चाच्या 13 शाखांचे उद्घाटन करण्यात आले. ‘एकच चर्चा… युवा मोर्चा.!!!’ घोषणांच्या गजरात युवकांच्या उत्साहाला यावेळी उधान आले होते. चाळीसगाव तालुक्यात थेट प्रदेश प्रभारी व प्रदेशाध्यक्ष यांच्या उपस्थितीत प्रथमच भाजपा शाखा उद्घाटन कार्यक्रम होत असल्याने त्याची चर्चा तालुक्यात होती. आगामी काळात होणारी नगरपालिका, जिल्हा परिषद व पंचायत समिती निवडणुकीच्या पार्श्वभूमीवर या शाखा उद्घाटन व नियुक्त्यांचा मोठा प्रभाव पडणार आहे.

महाराष्ट्रातील पहिली मुकबधीर आघाडी तसेच भाजपा माजी सैनिक आघाडी, युवती आघाडीसह विविध पदाधिकार्‍यांच्या नियुक्त्या
भाजपा तालुकाध्यक्ष प्रा.सुनील निकम यांच्या प्रयत्नाने राज्यातील पहिली भाजपा मुकबधीर आघाडी चाळीसगाव तालुक्यात स्थापन झाली असून तालुकाध्यक्ष पदी ओझर येथील गजानन पाटील यांची नियुक्ती करण्यात आली. तसेच देशसेवा करून आता तालुक्याची सेवा करणार्‍या माजी सैनिकांची देखील आघाडी भाजपने स्थापन केली असून त्यांचे तालुकाध्यक्ष अरुण पाटील कोदगाव व कार्यकारणीच्या नियुक्त्या करण्यात आल्या. चाळीसगाव शहर युवा मोर्चाने देखील आपल्या युवती विभाग शहराध्यक्ष नेहा दीपक पाटील व विद्यार्थी विभाग शहराध्यक्ष सिद्धांत पाटील, सोशल मिडिया विभाग शहराध्यक्ष यश सोनजे यांच्या नियुक्त्या प्रमुख मान्यवरांच्या हस्ते प्रदान करण्यात आल्या.