भुसावळात क्रिकेट स्पर्धा : रीपाइं जिल्हाध्यक्ष राजू सूर्यवंशी यांनी खेळाडूंना बक्षीस देवून वाढवला उत्साह

रीपाइं जिल्हाध्यक्षांनी वाढवला खेळाडूंचा उत्साह
रीपाइं जिल्हाध्यक्ष राजू सूर्यवंशी सामाजिक कार्यात नेहमीच अग्रेसर राहिले आहेत शिवाय त्यांच्यासह त्यांच्या पत्नी व माजी नगरसेविका पूजा सूर्यवंशी यांनी कोरोनाच्या कठीण काळात त्यांनी गरजूंना मदतीचा हातही दिला होता या शिवाय राजू सूर्यवंशी यांनी त्यांच्या वाढदिवसानिमित्त गरजूंना तीनचाकी सायकल वाटप करीत त्यांच्यातील दातृत्वाचा परीचयही दिला होता. अनिकेत पाटील व मित्र परीवारातर्फे शहरात आयोजित स्व.निखील खडसे स्मृतीचषक स्पर्धेच्या समारोपप्रसंगी सूर्यवंशी यांनी सहभागी प्रत्येक संघातील खेळाडूंना वैयक्तिकरीत्या बक्षीस देवून त्यांचा गौरव वाढवला. त्यांच्या उपक्रमाने खेळाडूदेखील भारावले.

खेळाडूंनी वाढवावा भुसावळचा नावलौकीक : राजू सूर्यवंशी
शहरातील डॉ.बाबासाहेब आंबेडकर मैदानाने आता कात टाकली असून या माध्यमातून खेळाडूंना हक्काचे मैदान उपलब्ध झाले आहे. खेळाडूंनी विविध खेळांच्या माध्यमातून शहराचा नावलौकीक वाढवावा शिवाय खेळाडूंचा उत्साह वाढवण्यासाठी त्यांना सहकार्य करण्याची आपली नेहमीच भावना राहिली असल्याचे रीपाइं जिल्हाध्यक्ष राजू सूर्यवंशी यांनी सांगितले.