देवेंद्र फडणवीसांनी स्पष्टच सांगितले : पेनड्राइव्ह बॉम्ब ही तर झलक ; पिक्चर अभी बाकी है…!

Devendra Fadnavis Pen Drive Bomb मुंबई : विरोधी पक्ष नेते देवेंद्र फडणवीस (Devendra Fadnavis)  यांनी विधानसभेत ‘पेन ड्राईव्ह’ देवून थेट पुरावे दिल्याचा बॉम्ब फोडताच राज्यात खळबळ उडाली होती तर कालचा पेनड्राइव्ह बॉम्ब ही केवळ एक झलक असून पिक्चर अभी बाकी है… आणखी बॉम्ब ठेवलेत, असा गर्भीत इशारा देवेंद्र फडणवीस (Devendra Fadnavis) यांनी पुन्हा दिल्याने राजकीय गोटात प्रचंड खळबळ उडाली आहे. राष्ट्रवादी प्रवक्ते नवाब मलिक यांनी राजीनामा द्यावा, या मागणीसाठी भाजप आक्रमक झाली आहे. बुधवारी आझाद मैदान ते विधान भवनापर्यंत धडक मोर्चाचे काढण्यात आला तर आझाद मैदानातून निघालेला मोर्चा मेट्रो सिनेमाजवळ अडणण्यात आला. तत्पूर्वी आझाद मैदानात कार्यकर्त्यांना संबोधित करताना भाजपचे विधानसभेतील विरोधी पक्षनेते देवेंद्र फडणवीस यांनी महाविकास आघाडीच्या ठाकरे सरकारवर जोरदार टिकेचे बाणही चालवले.

राजीनामा नाही तोवर शांत बसणार नाही
दहशतवाद्यांसोबत आर्थिक व्यवहार असलेल्या आरोपामुळे जेलमध्ये गेलेल्या मंत्री नवाब मलिकांचा राजीनामा होत नाही तोवर शांत बसू शकत नाही. ही मागणी केवळ राजकारणासाठी नाही. आम्ही रोज राजीनामे मागत नाही. मात्र ही घटना पाहिली तर मुंबईकरांच्या मारेकर्‍यांसोबत ज्यांनी आर्थिक व्यवहार केले त्यांनी राजीनामा दिला पाहिजे, या मागणीचा पुनरुच्चार देवेंद्र फडणवीस यांनी केला. हा संघर्ष साधा नाही. तर देशभक्तांचा संघर्ष आहे. देशद्रोह्याच्या विरोधात संघर्ष आहे. पाकिस्तान धार्जिण्या लोकांविरोधात संघर्ष आहे. ज्या भारतमातेसाठी अनेकांनी बलिदान दिलं त्यांच्यासाठी हा संघर्ष आहे, असेही फडणवीस (Devendra Fadnavis)  म्हणाले.