देवेंद्र फडणवीस यांना पोलिसांची नोटीस : सभागृहात सांगितले गृहमंत्र्यांनी नेमके ‘हे’ कारण
Dilip Walse Patil मुंबई : भाजपाने देवेंद्र फडणवीस( Devendra Fadnavis) यांना पाठवलेल्या नोटीसीनंतर आक्रमक पवित्रा घेत रविवारी राज्यभरात नोटीसींची होळी केली होती व आघाडी सरकारवर टिकेचे बाण चालवले होते. या प्रकरणी गृहमंत्री दिलीप वळसे पाटील (Dilip Walse Patil) यांनी सभागृहात नोटीस पाठवण्यामागील कारण स्पष्ट केले आहे. ते म्हणाले की, विरोधी पक्षनेत्यांना पाठवलेली नोटीस ही जबाबासाठी पाठवण्यात आली असून राज्याच्या पोलीस विभागातून काही फोन टॅपिंग चुकीच्या पद्धतीने करण्यात आले. त्यातून जो विषय सभागृहात दाखल झाला. त्यावर अज्ञात व्यक्तीविरोधात गुन्हा दाखल झाला. या गुन्ह्याची चौकशी करण्याचं काम तपास अधिकार्‍यांचे असते. त्यात 24 लोकांचे जबाब नोंदवण्यात आले असून तपास अधिकार्‍यांना चौकशीवेळी कुणालाही बोलवण्याचा अधिकार आहे, असे गृहमंत्री दिलीप वळसे-पाटील (Dilip Walse Patil) म्हणाले.
फडणवीसांनी उत्तर न दिल्यानेच नोटीस
गृहमंत्री दिलीप वळसे पाटील (Dilip Walse Patil) यांनी सभागृहात सांगितले की, तपास करणार्‍या पोलिस अधिकार्‍यांना कुणाला चौकशीला बोलवायचं असेल तर त्यांचा तो अधिकार आहे. विरोधी पक्षनेत्यांना (Devendra Fadnavis) आधी नोटीस दिली होती. त्याचसोबत प्रश्नावली पाठवली होती. परंतु त्यावर उत्तर आले नाही. त्यानंतर पोलिसांनी नोटीस पाठवली. त्याचा अर्थ इतकाच की तुमचा जबाब द्यावा हेच होतं. अधिकार्‍यांनी या प्रकरणी आतापर्यंत 24 जणांचे जबाब नोंदवले आहेत. विरोधकांना प्रश्न विचारण्याचा अधिकार आहे. पोलिसांनी काहीही प्रश्न विचारले तरी त्याचं उत्तर काय द्यायचे हा ज्याचा-त्याचा प्रश्न आहे. हा नियमित तपासाचा भाग आहे. क्रिमिनल केसेसमध्ये कुणालाही विशेषाधिकार नाहीत. जाणीवपूर्वक विरोधी पक्षनेत्यांना अडचणीत आणण्याचा, कुठल्या कटात फसवण्याचा शासनाचा हेतू नाही, असे नाही हे त्यांनी (Dilip Walse Patil) स्पष्ट केले.
गृहमंत्र्यांच्या स्पष्टीकरणानंतर फडणवीस म्हणाले : प्रश्न बदलणार्‍यांची ‘कुंडलीच’ आपल्याकडे
त्यावर पोलिसांनी पाठवलेली प्रश्नावली आणि जबाबात विचारण्यात आलेले प्रश्न हे खूप वेगळे आहे. साक्षीदाराला तुम्ही सीक्रेसी एक्टचा भंग केलाय का? असा प्रश्न विचारतात का? मला गुन्ह्यामध्ये आरोपी, सहआरोपी करण्याच्या हेतून असे प्रश्न विचारायला सांगितले होते का? मला विचारण्यात आलेल्या प्रश्नानंतर या प्रकरणाला राजकीय वळण देण्याचा प्रयत्न केला जातोय हे दिसून येते. माझ्या वडिलांना इंदिरा गांधींनी दोन वर्ष जेलमध्ये ठेवलं होतं. आम्ही जेलमध्ये जाण्याला घाबरत नाही. आम्ही नेहमी लढत राहणार आहे. आधीचे प्रश्न कुणी बदलले याची माहिती माझ्याकडे आहे. त्यामुळे आम्ही कायदेशीर लढाईला सामोरं जावू असं प्रत्युत्तर विधानसभेचे विरोधी पक्षनेते देवेंद्र फडणवीस (Devendra Fadnavis)यांनी दिलं.
