जळगाव : तरुणाच्या त्रासाला कंटाळून जळगावातील विवाहितेने राहत्या घरात गळफास घेवून आत्महत्या केली. विवाहितेस आत्महत्या करण्यास कारणीभूत ठरल्याप्रकरणी तरुणाविरोधात गुन्हा दाखल करण्यात आला.
तरुणाच्या त्रासाला कंटाळून उचलले पाऊल
याबाबत पोलिसांकडून मिळालेली माहिती अशी की, शहरातील मेहरुण परिसरातील नशेमन कॉलनीतील सैय्यद हुसेन शाहीद हुसेन हे आपल्या कुटुंबियांसह वास्तव्यास आहे. दरम्यान, संशयिी तौसिफ शाह तफज्जुल शाह (सालार नगर, जळगाव) हा इसम सैय्यद हुसेन यांच्या घरी जावून त्यांच्या पत्नीकडे वाईट नजरेने बघून तीची छेडखानी करीत होता. तसेच तिला व्हाट्सऍपवर मॅसेज व व्हिडीओ कॉल करुन तिला त्रास देत होता. या त्रालासा व तौसिफच्या छळाला कंटाळून त्या विवाहितेने 23 मार्च रोजी छताच्या पंख्याला ओढणीने गळफास घेवून आत्महत्या केल्याची घटना घडली होती. याप्रकरणी पोलिसांनी चौकशी करुन सैय्यद मुजाहीद हुसेन शाहीद हुसेन याच्या फियादीवरून संशयीत आरोपी तौसीफ शहा तफज्जूल शाह याच्याविरुद्ध आत्महत्येस प्रवृत्त केल्याप्रकरणी एमआयडीसी पोलिसात गुन्हा दाखल केला आहे. पुढील तपास पोलिस उपनिरीक्षक दीपक जगदाळे करीत आहे.
