मुक्ताईनगर मतदासंघांतील अनेक गावांचा रखडलेल्या पुनर्वसन प्रश्न सुटणार
मदत व पुनर्वसन मंत्री विजय वडेट्टीवारांच्या दालनात 26 रोजी बैठक
मुक्ताईनगर : मुक्ताईनगर मतदारसंघातील अनेक गावे हतनूर धरणाच्या बॅक वॉटरसह तापी-पूर्णा नदीच्या पात्राने प्रभावीत झाले आहेत. या गावांच्या पुनर्वसनाचे प्रश्न व असंख्य समस्या गेल्या अनेक वर्षापासून जैसे थे आहेत. परीणामी नागरीक अनेक मुलभूत व पायाभूत सुविधांपासून वंचित आहेत. या संदर्भात मुक्ताईनगर मतदारसंघाचे आमदार चंद्रकांत पाटील यांनी वेळोवेळी पाठपुरावा व पत्रव्यवहार केल्याने राज्याचे मदत व पुनर्वसन मंत्री ना विजय वडेट्टीवार यांच्या आदेशाने मंत्री वडेट्टीवार यांच्या मुंबई येथील दालनात महत्वपूर्ण बैठक 26 एप्रिल रोजी सकाळी 11.45 वाजता होत आहे.
पाच गावठी कट्टे, दहा जिवंत काडतुसांसह दोघे आरोपी संयुक्त कारवाईत जाळ्यात
बैठकीला यांची राहणार उपस्थिती
या बैठकीला जळगाव जिल्ह्याचे पालकमंत्री गुलाबराव पाटील, मुक्ताईनगर मतदारसंघाचे आमदार चंद्रकांत पाटील, प्रधान सचिव (मदत व पुनर्वन, मंत्रालय, मुंबई), विभागीय आयुक्त (नाशिक), जिल्हाधिकारी (जळगाव), कार्यकारी संचालक (तापी पाटबंधारे विकास महामंडळ, जळगाव) आणि विषयाशी संबंधीत अधिकारी व पदाधिकारी यांना उपास्थित राहण्यासाठी निमंत्रित करण्यात आले आहे. या आशयाचे परीपत्रक पुनर्वसन विभागाचे परिपत्रक रणधीर सूर्यवंशी (विशेष कार्य अधिकारी, मदत व पुनर्वसन विभाग , महाराष्ट्र शासन, मुंबई) यांच्या स्वाक्षरीनिशी जारी करण्यात आले.
