जळगावात भरधाव ट्रकने चिरडल्याने विवाहिता जागीच ठार तर भाचा जखमी

Jalgaon Accidant जळगाव : धरणगाव तालुक्यातील बांभोरी येथे भाच्यासाठी मुलगी पाहण्यासाठी निघालेल्या रावेर तालुक्यातील रेंभोटा गावातील विवाहितेचा जळगावात दुचाकी अपघातात जागीच मृत्यू झाला तर भाचा गंभीर जखमी झाला. हा अपघात द्वारका नगराजवळ गुरुवारी सकाळी 11.30 वाजेच्या सुमारास घडला. विवाहितेच्या मृत्यूनंतर नातेवाईकांनी जिल्हा रुग्णालयात मन हेलावणारा आक्रोश केला. कविता मुकेश कोळी (30, रेंभोटा, ता.रावेर असे) मयत विवाहितेचे नाव आहे तर या अपघातात महिलेचा भाचा अजय कमलाकर सोनवणे हा जखमी झाला.

अमळनेर तालुक्यातील अल्पवयीन मुलीस पळवले 

भरधाव ट्रकची दुचाकीला धडक
रावेर तालुक्यातील रेंभोटा येथे कविता मुकेश कोळी (30) या पती व दोन मुलांसह वास्तव्याला असून गावातच त्यांचा भाचा अजय कमलाकर सोनवणे राहतो. अजयसाठी मुलगी पाहण्यासाठी गुरुवारी सकाळी अजयसह कविता कोळी हे मामी-भाचे एकाच दुचाकीने धरणगाव तालुक्यातील बांभोरी गावाला जाण्यासाठी निघाले होते मात्र जळगाव शहराच्या पुढे द्वारका नगराजवळ राष्ट्रीय महामार्गावरून जाताना मागून येणार्‍या ट्रक (एम.एच.29 एम.0144) ने दुचाकीला जोरदार धडक दिल्याने कविता कोळी या रस्त्यावर पडताच त्यांच्या अंगावरून मागून येणारा ट्रक गेल्याने त्यांचा जागीच मृत्यू झाला तर अजय सोनवणे हा जखमी झाला. गुरूवार, 28 एप्रिल रोजी सकाळी 11.30 वाजता हा अपघात घडला. या अपघातात अजय जखमी झाल्याने त्यास खाजगी रुग्णालयात दाखल करण्यात आले.