पुणे : खेळताना चिमुकल्याने बाहुलीला फाशी दिली व नंतर स्वतःदेखील गळफास घेतल्याची घटना पुण्यातील थेरगावात घडली. कमल खेम साऊद (8, रा. सोळा नंबर बस स्टॉप, थेरगाव, पुणे) असे आत्महत्या केलेल्या मुलाचे नाव आहे.
कासोद्यासह नेरी दिगरला गॅस कटरने एटीएम फोडले ; दहा लाखांची रोकड लंपास
हॉरर चित्रपट पाहताच केली कृती
रविवारी दुपारी दोनच्या सुमारास कमल बाहुलीसोबत खेळत होता. जवळच लहान भाऊ आणि बहिणदेखील खेळत होती. आई कामात व्यग्र होती. वडील बाहेर गेले होते. खेळताना कमलने बाहुलीच्या तोंडावर कापड गुंडाळून तिला फाशी दिली. बाहुली मृत झाल्याचा समज झाल्यानंतर त्याने खिडकीला बांधलेल्या दोरीने गळफास घेतला. चौकशीत कमल मोबाइलवर हॉरर फिल्म पाहत असल्याचे समोर आले. हॉरर फिल्म पाहूनच त्याने हे कृत्य केले असावे, असे पोलिसांनी सांगितले.
पोटचा गोळा गेल्याने आईने फोडला हंबरडा
मृत कमल दोन्ही मुलांपेक्षा मोठा होता. आई कामात असताना तोच लहान भावंडांना सांभाळत होता. रविवारी दुपारी कमलच्या आईने खोलीत डोकावून पाहिले, तेव्हा बाहुलीचे तोंड बांधून तिला गळफास दिल्याचे व पोटचा गोळा फासावर लटकलेले भीतिदायक चित्र पाहून तिने हंबरडा फोडला. कमल अशी थट्टा करून नको म्हणत आईने त्याला उठवण्याचा प्रयत्न केला. मात्र, तोपर्यंत उशीर झाला होता.
माजी मंत्री एकनाथराव खडसेंना ईडीची नोटीस : जप्त मालमत्ता 10 दिवसात रीकामी करा
