लाखाची लाच भोवली : मेहुणबारे पोलिस ठाण्याचा लाचखोर फौजदार जळगाव एसीबीच्या जाळ्यात
Mehunbare Police Station ACB Trap जळगाव : तक्रारदारास गुन्ह्यात मदत करून दोषारोपपत्र लवकर पाठवण्याच्या मोबदल्यात साडेचार लाखांची मागणी करून तडजोडीअंती एक लाख रुपय स्वीकारणार्या मेहुणबारे पोलिस ठाण्यातील पोलिस उपनिरीक्षक योगेश जगन्नाथ ढिकले (32, रा.जिजाई नगर, तिरपुळे रोड, मेहुणबारे. ता.चाळीसगाव) यास जळगाव एसीबीच्या पथकाने गुरुवारी दुपारी दोन वाजेच्या सुमारास पोलिस ठाण्याच्या आवारातच लाच घेताना रंगेहाथ पकडल्याने लाचखोरांच्या गोटात प्रचंड खळबळ उडाली आहे.
पोलिस ठाण्यातच स्वीकारली लाच
27 वर्षीय तक्रारदार यांच्या विरुद्ध मेहुणबारे पोलिस ठाण्यात गु.र.नं.0071/2022, भादंवि कलम 115, 118 व 120 ब प्रमाणे 29 मार्च 202 रोजी गुन्हा दाखल आहे. गुन्ह्याच्या कागदपत्रांमध्ये मदत करून चार्जशीट लवकरात0लवकर पाठवुन गुन्ह्यात मदत करण्याच्या व गुन्ह्यात पोलिस स्टेशनला दिलेली हजेरी माफ करण्याच्या मोबदल्यात तक्रारदार यांचच्याकडे आरोपी गणेश ढिकले याने 2 जून रोजी साडेचार लाख रुपये मागितले होते व एक लाख रुपये देण्यावर तडजोड झाल्यानंतर तक्रारदाराने तक्रार नोंदवल्यानंतर सापळा रचण्यात आला. गुरुवारी दुपारी दोन वाजेच्या सुमारास मेहुणबारे पोलिस ठाण्यातच आरोपी फौजदाराने लाच स्वीकारताच त्याच्या मुसक्या आवळण्यात आल्या व गुन्हा दाखल करण्यात आला.
यांनी केला सापळा यशस्वी
पोलिस उपअधीक्षक शशीकांत एस.पाटील, पोलिस निरीक्षक संजोग बच्छाव, पोलिस निरीक्षक एन.एन.जाधव, एएसआय दिनेशसिंग पाटील, एएसआय सुरेश पाटील, हवालदार अशोक अहिरे, हवालदार सुनील पाटील, हवालदार रवींद्र घुगे, महिला हवालदार शैला धनगर, पोलिस नाईक मनोज जोशी, पोलिस नाईक जनार्धन चौधरी, पोलिस नाईक सुनील शिरसाठ, कॉन्स्टेबल प्रवीण पाटील, कॉन्स्टेबल महेश सोमवंशी, कॉन्स्टेबल नासीर देशमुख, पोलिस कॉन्स्टेबल ईश्वर धनगर, कॉन्स्टेबल प्रदीप पोळ आदींच्या पथकाने सापळा यशस्वी केला.
कर्जोदच्या विवाहितेसह तिघांवर हल्ला
जामनेर तालुक्यात दुचाकींच्या भीषण अपघातात तिघे ठार
