नटवाडेतील विवाहितेचा अनैतिक संबंधातून पतीनेच केला खून
पेट्रोल टाकून जाळून पुरावा नष्ट करण्याचा प्रयत्न : आरोपीला पोलिसांकडून अटक
शिरपूर : तालुक्यातील नटवाडे शिवारात करवंद नटवाडे रस्त्यावर आढळून महिलेचा मृतदेह आढळला होता. या महिलेची ओळख पटली असून विवाहिता नटवाडे गावातील रहिवासी असून अनैतिक संबंधातून पतीनेच पत्नीचा खून केल्याचे उघड झाले आहे. आरोपीने दगडाने ठेचून खून करून ज्वलनशील पदार्थ अंगावर टाकून पुरावा नष्ट करण्याचा प्रयत्न केल्यानंतर आरोपी पतीला अटक करण्यात आली. सुनील रुलसिंग पावरा असे अटकेतील आरोपी पतीचे नाव आहे तर निर्मला सुनील पावरा असे खून झालेल्या विवाहितेचे नाव आहे.
अनैतिक संबंधातून काढला काटा
निर्मला पावरा या विवाहितेचे चुलत सासर्‍याशी अनैतिक संबंध असल्याचे पतीच्या लक्षात आल्यानंतर संशयीत पतीने दोघांचा शोध घेत कन्नड घाटातील एका झोपडीत धडक दिली. विवाहितेला मनवून दुचाकीने शिरपूरला आणले व 30 मे रोजी मध्यरात्री कन्नड येथून नटवाडे येथे आलेल्या सुनीलने करवंद ते नटवाडे दरम्यान निर्मलाच्या डोक्यात दगड घालून तिची हत्या केली. त्यानंतर तिच्या अंगावर ज्वलनशील पदार्थ टाकून तिला जाळण्याचा प्रयत्न केला. त्यानंतर तो तेथून घरी निघून आला. 31 मे रोजी सकाळी हा प्रकार उघडकीस आल्यानंतर पोलिसांनी तपास सुरू केला. चौकशी व तपासाअंती हा खून सुनील यानेच केल्याचे निष्पन्न झाले.
यांनी उघडकीस आणला गुन्हा
हा गुन्हा शहर पोलीस ठाण्याचे पोलीस निरीक्षक रविंद्र देशमुख, सपोनि गणेश फड, पीएसआय किरण बा-हे, संदिप मुरकुटे,गणेश कुटे, मपोउनि छाया पाटील शोध पथकाचे पोहेकॉ ललित पाटील,लादूराम चौधरी, पोकॉ विनोद अखडमल, प्रविण गोसावी,गोविंद कोळी, मनोज दाभाडे,मुकेश पावरा, प्रशांत पवार,उमाकांत वाघ, तसेच करवंद बिटचे पोहेकॉ प्रेमसिंग गिरासे,पोना रुपेश गांगुर्डे,पंकज पाटील,संदीप ठाकरे,तसेच मपोको अनिता पावरा, चापोको जितेंद्र मालचे, रविंद्र महाले आदींच्या पथकाने उघडकीस आणला.
लाखाची लाच भोवली : मेहुणबारे पोलिस ठाण्याचा लाचखोर फौजदार जळगाव एसीबीच्या जाळ्यात
