नंदुरबारात अश्लील व्हिडिओ कॉल करून खंडणी उकळणार्‍या पत्रकार, पोलिसासह महिलेला अटक
नंदुरबार : अश्लील व्हिडीओ कॉल करुन खंडणी वसुल करणा-या महिलेसह पोलिस कर्मचारी आणि एका स्थानिक पत्रकाराला नंदुरबार पोलिसांनी अटक केली आहे. आरोपींना न्यायालयाने सात दिवसांची पोलिस कोठडी सुनावली आहे. जिल्हा पोलिस अधीक्षकांकडून तक्रारीची दखल नंदुरबार येथील एका महिलेने पोलिसाच्या मदतीने शहादा तालुक्यातील म्हसावद येथील रहिवासी व्यक्तीला आपल्या जाळ्यात ओढले. या जाळ्यात अडकल्यानंतर त्याच्याकडून तिघांनी मिळून नऊ लाख रुपये खंडणीच्या माध्यमातून वसुल केले. तक्रारदार पिडीत व्यक्तीला त्रास असह्य झाल्यानंतर त्याने नंदुरबार जिल्हा पोलिस अधीक्षक पी.आर.पाटील यांची भेट घेत हकीकत सांगितले. पोलिस सूत्रे हलताच अखेर तिघांविरुद्ध गुन्हा दाखल करण्यात आला व पोलिस छोटू तुमडू शिरसाठ (46), पत्रकार अतुल रामकृष्ण थोरात (50, चौधरी) व एका महिलेला अटक करण्यात आली.
दुकान चालवायचे झाल्यास पैसे द्यावे लागतील म्हणत विक्रेत्याला चाकूने भोसकले
अश्लील कॉलद्वारे मागितली खंडणी
9 एप्रिल रोजी म्हसावद येथील पिडीत तक्रारदारास अनोळखी महिलेचा त्याच्या मोबाईलवर कॉल आला. ती महिला त्याला वारंवार फोन करुन बोलावू लागली. बोलावून देखील येत नसल्याचे बघून त्या महिलेने त्या व्यक्तीला व्हिडीओ कॉल केला. व्हिडीओ कॉल दरम्यान सदर महिलेने अश्लिल चाळे सुरु केले. त्या व्हिडीओ कॉलचे रेकॉर्डींग केले व त्या आधारे नऊ लाखांची खंडणी वसुल केली मात्र त्यानंतर आरोपींची भूक थांबली नाही व त्यांनी खंडणी मागणे सुरूच ठेवल्याने जिल्हा पोलिस अधीक्षकांकडे तक्रार केल्यानंतर पोलिसांनी दखल घेत कारवाई केली.
