जळगावात घरफोडी : 82 हजारांच्या ऐवजावर चोरट्यांचा डल्ला
जळगाव : शहरातील मोहाडी रोडवरील गजानन महाराज महार मंदिरानजीक असलेल्या गुंजन मंगल कार्यालयासमोरील घरातून चोरट्यांनी 82 हजारांच्या ऐवजावर डल्ला मारल्याची घटना शनिवारी सकाळी 7.30 वाजेच्या सुमारास घडली. विशेष म्हणजे महिला योगा करण्यासाठी घराबाहेर पडताच पाळत ठेवून असलेल्या चोरट्यांनी काम फत्ते केले तर याच परीरसरातील विनोबा नगरात चोरट्यांनी 2 रोजी सायंकाळी चेतन अशोक पिंगळे यांच्या राहत्या घरातून दोन मोबाईल लांबविले.
योगासाठी महिला जाताच घरफोडी
सुनील पाटील या पती रवींद्र पाटील यांच्यासह गुंजन मंगल कार्यालयानजीक वास्तव्यास आहे. त्यांचा मुलगा तेजस हा पुण्याला नोकरीला असून तेथेच राहतो. 3 रोजी रवींद्र पाटील हे बाहेरगावी गेल्याने सुनीता या एकट्याच घरी होत्या. 4 रोजी सकाळी 5.30 वाजता उठल्यावर सुनीता पाटील ह्या नियमित प्रमाणे आदर्शनगरातील लॉयन्स क्लब येथे योगासने करण्यासाठी घराला कुलूप लावून गेल्या. योगा करूनन 7.30 वाजेच्या सुमारास परतल्या असत्या. घराचे कुलूप तुटलेले तर घरात कपडे, देव्हार्र्यातील देव व इतर वस्तू असा सामान अस्ताव्यस्त पडलेला असल्याने चोरीची झाल्याची घटना समोर आली.दोन ते अडीच तासापर्यंत घर बंद असल्याची संधी साधत चोरट्याने घरातील देवघरात असलेल्या पर्समधून 25 हजार रुपये रोख, 10 ग्रॅम 15 हजार रुपयांची सोन्याची पांचाली, 5 ग्रॅमच्या प्रत्येकी 3 तीन अशा 25 हजार 500 रुपये किमतीच्या अंगठ्या, 5 ग्रॅमची 7 हजार 500 रुपये किमतीची मनी मंगळसूत्र असलेली सोन्याची पोत, 3 ग्रॅमचे 4 हजार रुपयांचे कानातले, अर्धा ग्रॅमची 1 हजार रुपयांची नाकातली सोन्याची फुली, 2 हजार रुपयांचा चांदीचा छल्ला व चांदीचे दोन शिक्के, 5 हजार रुपये किमतीचा मोबाईल असा एकूण 82 हजार रुपयांचा ऐवज लांबविला. याप्रकरणी सुनिता पाटील यांनी दिलेल्या तक्रारीनुसार एमआयडीसी पोलीस ठाण्यात गुन्हा दाखल करण्यात आला आहे.
