Assistant Accountant convicted along with bribe-taking RTO in Nandurbar नंदुरबार : नंदुरबार उप प्रादेशिक परीवहन कायार्र्लयातील तत्कालीन वाहन निरीक्षक सूर्यभान रेवजी झोडगे आणि सहाय्यक रोखपाल वेलजी नहाडिया मावची यांना चार हजारांच्या लाच प्रकरणी अटक करण्यात आल्यानंतर दोघांना न्यायालयाने भ्रष्टाचार प्रतिबंध अधिनियम कलम सात अन्वये प्रत्येकी एक वर्ष कैदेची शिक्षा व पाच हजार रुपये दंड, कलम 13 (ड) अन्वये प्रत्येकी 2 वर्ष कैदेची शिक्षा व पाच हजार रुपये दंड अशी शिक्षा सुनावल्याने लाचखोरांमध्ये खळबळ उडाली आहे. चेक पोस्ट मार्गे गुजरात राज्यात वाहन जाऊ देण्यासाठी दोघा लाचखोरांनी चार हजारांची लाच मागून ती स्वीकारल्यानंतर गुन्हा दाखल करण्यात आला होता.
11 वर्षानंतर मिळाला न्याय
लाच घेणारे दोघे अधिकारी 24 फेब्रुवारी 2012 रोजी गव्हाली चेक पोस्ट, ता.अक्कलकुवा, जि.नंदुरबार येथे कर्तव्यावर होते. यावेळी मूळ तक्रारदार कंटेनर/ ट्रक चालक हे पुणे येथून त्यांच्या कंटेनरमध्ये माल भरून गुजरात राज्यात जात असताना 24 फेब्रुवारी 2012 रोजी मूळ तक्रारदार हे गव्हाली चेक पोस्टवर आले असता झोडगे आणि मावची यांनी मूळ तक्रारदार ट्रक चालक यांच्याकडून त्यांची गाडी गव्हाली चेक पोस्ट मार्गे गुजरात राज्यात जाऊ देण्यासाठी चार हजार रुपये लाच एन्ट्रीच्या स्वरूपात मागून ती स्वीकारली होती. यशस्वी सापळ्यानंतर अक्कलकुवा पोलिसात गुन्हा दाखल होता.
