धक्कादायक : सरकारी जमिनीच्या मालकिवरून भाऊबंदकी भिडली : मलगावात गोळीबारात पिता-पूत्र ठार
Family feud over ownership of government land: Father and son killed in firing in Malgaon शहादा : भाऊबंदकीतील भांडणे नवीन नाहीत मात्र सरकारी शेतजमिनीच्या वादातून शाब्दीक वाद हाणामारीपर्यंत पोहोचल्यानंतर चक्क गावठी कट्ट्यातून गोळ्या झाडल्याने पिता-पूत्र ठार झाल्याची धक्कादायक घटना शहादा तालुक्यातील मलगाव शिवारातील पिपल्यापाडा येथे गुरुवारी दुपारी घडली. या घटनेत अविनाश सखाराम खर्डे (26) व सुखराम कलजी खर्डे (45, मलगाव, चांदसैली, ता.शहादा, जि.नंदुरबार) या पिता-पूत्रांचा मृत्यू झाला. या घटनेत अन्य एक जण गंभीर जखमी झाला असून सहा संशयितांविरोधात खुनाचा गुन्हा दाखल करण्यात आल्यानंतर त्यांना अटक करण्यात आली.
पोलीस अधिकार्यांची धाव
दुहेरी खुनाची माहिती मिळताच शहादा पोलीस उपअधीक्षक दत्ता पवार, शहादा पोलीस निरीक्षक शिवाजी बुधवंत यांच्यासह पोलिसांनी घटनास्थळी धाव घेतली. या घटनेनंतर मलगाव येथे तणावपूर्ण शांतता निर्माण झाली असून पोलीस प्रशासनाने मोठा फौजफाटा गावात तैनात केला आहे.
