महसूल सप्ताहात होणार उत्कृष्ट अधिकारी, कर्मचार्‍यांचा सन्मान : प्रांताधिकारी जितेंद्र पाटील

Honorable officers and employees will be honored during the revenue week : District Magistrate Jitendra Patil भुसावळ : महसूल सप्ताह अंतर्गत 1 ते 7 दरम्यान विविध कार्यक्रम राबवण्यात येणार असून महसूल आयुक्तांच्या उपस्थितीत वन नेशन वन कार्डचा शुभारंभ होणार असल्याची माहिती भुसावळ प्रांताधिकारी जितेंद्र पाटील यांनी दिली.

सप्ताहात असे होतील कार्यक्रम
1 ऑगस्टला महसूल विभागातील उत्कृष्ठ काम करणार्‍या कर्मचारी व अधिकारी यांना प्रशस्तीपत्र देऊन तहसीलमध्ये गौरविण्यात येईल. तलाठी, मंडळाधिकारी, महसूल सहायक, कोतवाल, पोलीस पाटील, रेशन दुकानदार, शिपाई, मतदान केद्रस्तरीय अधिकारी व वाहन चालक यांच्या गौरवानंतर सप्ताहाला सुरूवात होईल. 2 रोजी महसूल आयुक्त राधाकृष्ण गमे, जिल्हाधिकारी, जि.प.मुख्य कार्यकारी अधिकारी यांच्या उपस्थितीत युवा संवाद प्रभाकर हॉलमध्ये साधला जाईल. 3 रोजी ‘क हात मदतीचा’ या अंतर्गत संजय गांधी निराधार योजना, विशेष अर्थ सहाय्य योजना याबाबत तालुका समितीची बैठक घेऊन मंजूर लाभार्थी यांना लाभ देण्यात येईल तसेच वरणगावात फेरफार अदालत व शासकीय योजनेचे शिबिर होईल. 4 रोजी जनसंवाद कार्यक्रम होईल. चार मंडळात फेरफार अदालत होईल. 5 ऑगस्टला सैनिक हो तुमच्यासाठी यात तालुक्यातील माजी सैनिकांचा मेळावा घेऊन त्यांचा सन्मान व 6 रोजी महसूल संवर्गातील कार्यरत निवृत्त अधिकारी, कर्मचारी यांच्याशी संवाद साधला जाईल, असे प्रांत जितेंद्र पाटील व तहसीलदार निता लबडे यांनी सांगितले.

महसूल आयुक्तांच्या वन नेशन वन कार्डचा शुभारंभ
तहसीलदार निता लबडे म्हणाल्या की, महसूल आयुक्त गमे यांच्या उपस्थितीत 2 रोजी जळगाव जिल्ह्यात प्रथमच वन नेशन वन कार्ड या संकल्पने अंतर्गत नवीन रेशनकार्डाचा शुभारंभ होईल. या कार्डावर कार्डधारकांना कुठेल्या रेशनदुकानात धान्य मिळेल तसेच भारतात कुठेही हे कार्ड वापरता येईल.