फिटनेस सर्टिफिकेटसाठी दहा हजारांची लाच : नंदुरबारमधील तोतया डॉक्टरांसह क्लर्क एसीबीच्या जाळ्यात
10,000 bribe for fitness certificate: Fake doctor and clerk in ACB’s net in Nandurbar नंदुरबार : एस.टी.महामंडळातील चालकाला फिटनेस सर्टिफिकेट देण्याच्या बहाण्याने तडजोडीअंती दहा हजारांची लाच स्वीकारून स्वतःला डॉक्टर व क्लर्क म्हणणार्‍या संशयिताना नंदुरबार एसीबीने अटक केली आहे. दक्षता सप्ताहातच ही कारवाई सोमवारी दुपारी करण्यात आल्याने लाचखोरांमध्ये खळबळ उडाली आहे. अटकेतील आरोपींमध्ये धानोरा ग्रामीण रुग्णालयाचा सफाई कामगार जयेश शंकर तेजी (40) व खाजगी चालक तुकाराम भिला भोई (43, नवी भोई गल्ली, नंदुरबार) यांचा समावेश आहे.
असे आहे लाच प्रकरण
रनाळे खुर्द, ता.नंदुरबार येथील 55 वर्षीय तक्रारदार एस.टी.महामंडळात चालक आहेत. तक्रारदार यांच्या प्रकृतीच्या कारणास्तव तक्रारदार मे 2023 पासून वैद्यकीय रजेवर आहेत. तक्रारदार यांची प्रकृती आता व्यवस्थित झाल्याने त्यांना नोकरीवर हजर होण्यासाठी जिल्हा रुग्णालय नंदुरबार येथून फिट फॉर ड्युटी सर्टिफिकेटची आवश्यकता असल्याने ते 27 ऑक्टोबर रोजी रुग्णालयात गेल्यानंतर संशयित जयेश तेजी याने जिल्हा रुग्णालयात क्लर्क असल्याचे भासवले तसेच त्याचा साथीदार तुकाराम भोई हा डॉक्टर असल्याची बतावणी करून फिट फॉर ड्युटी सर्टिफिकेटसाठी 12 हजारांची मागण केली व तडजोड 10 हजारात ठरल्यानंतर एसीबीकडे तक्रार नोंदवण्यात आली. लाच स्वीकारताच दोघांना अटक करण्यात आली.
